جاريالانعان اقپاراتقا سايكەس, كانديداتتاردىڭ 36,4%-ى – ايەلدەر, 28,9%-ى – 35 جاسقا دەيىنگى جاستار. باستاۋىش پارتيا ۇيىمدارىنان 3 023 كانديدات ۇسىنىلسا, 6 978 – ءوزىن-ءوزى ۇسىنۋشىلار.
پارتياىشىلىك ىرىكتەۋگە قاتىسۋعا نيەت بىلدىرگەندەردىڭ جاس ەرەكشەلىكتەرى مەن الەۋمەتتىك توپتارى ءارتۇرلى. سونىمەن قاتار, قازىرگى ءماسليحات دەپۋتاتتارى دا وزدەرىن وسى پرايمەريزدە سىناپ كورۋدى جوسپارلاپ وتىر.
سولاردىڭ ءبىرى – پاۆلودار اۋداندىق ءماسليحاتىنىڭ دەپۋتاتى, «اۋىل – مەملەكەتتىڭ تىرەگى» جوباسىنىڭ نەگىزىن قالاۋشى دميتري كورەپانوۆ.
«قالادا دۇنيەگە كەلدىم, بىراق 2013 جىلى اۋىلدى كوركەيتۋگە, اۋىل شارۋاشىلىعىن دامىتۋعا كۇش سالامىن دەپ شەشتىم. اۋىل تۇرعىندارى مەن اۋىل شارۋاشىلىعى تاۋار وندىرۋشىلەرىنىڭ ۇشىراساتىن قيىنشىلىقتارىن ءبىر كىسىدەي بىلەمىن. بۇگىندە اگرارلىق سەكتوردا مامان تاپشىلىعى سەزىلەدى. اسىرەسە, جاس ماماندار جەتىسپەيدى. سوندىقتان قازىر جاستاردى كاسىپتىك بەيىمدەۋگە, ولاردى فەرمەرلىك, ۆەتەرينارلىق جانە اگرارلىق ىسكە وقىتۋعا باعىتتالعان جوبانى ىسكە اسىرۋدامىن. پرايمەريز – پارتيالىق دەموكراتيانى جانداندىرۋدىڭ پارمەندى تەتىگى. ساياساتتا تاجىريبەسى بار ما, جوق پا, ول جاعى ماڭىزدى ەمەس, ءاربىر كانديداتتىڭ مۇمكىندىگى بار», - دەپ ءوز ويىمەن ءبولىستى دميتري كورەپانوۆ.
دوداعا ءتۇسىپ, پارتيالاستارىنىڭ داۋىسىنا يە بولۋعا بۇرىنعى وبلىس اكىمدەرى دە ءۇمىتتى.
مىسالى, قىزىلوردا وبلىسىنىڭ ەكس-اكىمى بولاتبەك قۋاندىقوۆ. سونداي-اق, سولتۇستىك قازاقستان وبلىسىنىڭ بۇرىنعى اكىمى سامات ەسكەندىروۆ تە سايلانبالى ورگانداردا پارتيالاستارىنىڭ مۇددەلەرىن بىلدىرۋگە نيەتتەنىپ وتىر.
قازاقستان ايتىس اقىندارى مەن جىرشى-تەرمەشىلەرى حالىقارالىق وداعىنىڭ توراعاسى ءجۇرسىن ەرمان دا پرايمەريزگە قاتىسادى.
«Nur Otan» پارتياسى مادەنيەت پەن ءداستۇردى دامىتۋدى, وتباسىلىق قۇندىلىقتاردى ناسيحاتتاۋدى ۇنەمى قولداپ كەلەدى. قازىر حالىقتىڭ ساناسى ويانعان. قوعامدا ۇلكەن وزگەرىستىڭ بولاتىنىنا سەنەدى. سول وزگەرىستىڭ ورتاسىندا ۇلتقا جانى اشيتىن, قانى قازاقى, جانى قازاقى, ەلدىڭ ەرتەڭىن ويلايتىن ازاماتتار بولۋى قاجەت. ەلدىڭ جاعدايىن بىلەتىن, حالىقپەن, ونىڭ ىشىندە اۋىلمەن قاتىناسىن ۇزبەگەن ۇلتجاندى ادامدار كەرەك-اق. سوندا سولاردىڭ اسىعى الشىسىنان تۇسەدى دەپ ويلايمىن», - دەدى ايتىس جاناشىرى.
ايتا كەتەيىك, وسى كۇندەرى «Nur Otan» پارتياسى جاقتاستارى ليگاسىنىڭ وكىلدەرى حالىقپەن كەزدەسىپ, كانديداتتاردى تىركەۋ جانە پرايمەريزدەردىڭ كەلەسى كەزەڭدەرىنە دايىندىق باراسىمەن تانىسۋ ءۇشىن وڭىرلەرگە اتتانىپ كەتتى. ولار ساپارلارىنىڭ قورىتىندىسى بويىنشا پارتياعا ءتيىستى ۇسىنىستار بەرەدى.
ەسكە سالا كەتەيىك, «Nur Otan» پرايمەريزىنە كانديداتتاردى ۇسىنۋ جانە تىركەۋ 28 تامىزدا اياقتالادى. وعان قاتىسۋ ءۇشىن ءوتىنىشتى https://primaries.kz/ سايتىندا «پرايمەريز» اقپاراتتىق جۇيەسى ارقىلى ونلاين جولداۋعا نەمەسە اۋماقتىق ۇيىمداستىرۋ كوميتەتتەرىنە جەكە ءوتىنىش بەرۋگە بولادى.
پارتيا قۇندىلىقتارىن ۇستاناتىن جانە سايلاۋ قۇقىعى بار كەز كەلگەن ازامات ۇمىتكەر بولا الادى. ول ءۇشىن پرايمەريزگە قاتىسۋشىلاردى تىركەۋ مەرزىمى اياقتالعانعا دەيىن «Nur Otan»-نىڭ قاتارىنا قوسىلۋ كەرەك.
پرايمەريز وتكىزۋ ماسەلەلەرى بويىنشا ارنايى 8 (800) 080 4441 جەدەل جەلى ىسكە قوسىلدى.
