"الماتى قالاسىنىڭ تۇرعىندارىن ءدارى-دارمەكتەرمەن جانە مەديتسينالىق زاتتارمەن ۇزدىكسىز قامتاماسىز ەتۋ ماسەلەسى باسىم باعىت بولىپ قالا بەرەدى جانە اكىمدىكتىڭ تۇراقتى باقىلاۋىندا. جۇمىس ەكى باعىت بويىنشا جۇرگىزىلۋدە – ءدارىحانالاردىڭ جەكە ساتۋ ساۋدا جەلىسىن قامتاماسىز ەتۋ جانە قالانىڭ مەديتسينالىق ۇيىمدارىن جابدىقتاۋ", دەدى قارلىعاش ءابدىجابباروۆا.
COVID-19 اۋرۋىنىڭ ءوسۋى جانە ءدارى-دارمەك پرەپاراتتارى مەن مەديتسينالىق بۇيىمداردىڭ كەيبىر تۇرلەرىنە نارىقتاعى سۇرانىستىڭ ارتۋى كەزىندە, قالا اكىمدىگى قالانىڭ بولشەك دارىحانالىق جەلىلەرىنە دارىلىك زاتتار مەن مەديتسينالىق بۇيىمداردى ۇزدىكسىز جەتكىزۋ, ستاتسيونارلىق نىسانداردى جابدىقتاۋ ماسەلەلەرىن شەشۋ ءۇشىن قۇرىلعان جەدەل شتابتىڭ جۇمىسىن ىستەپ جاتقانىن ەستەرىڭىزگە سالامىز.
اكىمدىك, جەتكىزۋشىلەر مەن ءدارىحانالار اراسىندا كەلىسىمگە قول قويىلىپ, ءدارىحانالار ءتىزىمى انىقتالدى. ولارعا الەۋمەتتىك ماڭىزى بار دارىلىك زاتتار مەن مەديتسينالىق زاتتار مەن بۇيىمداردىڭ 69 اتاۋى باسىمدىق بەرىلگەن تارتىپپەن جەتكىزىلەدى.
"قازىرگى ۋاقىتتا بۇل ءتىزىم 105-تەن 374 جۇيە قۇراۋشى دارىحاناعا دەيىن كەڭەيتىلدى. بۇل ءدارى-دارمەكتەردىڭ جەتكىزىلىمىن, ولاردىڭ باعاسى مەن ساتىلىمىن رەتتەۋگە مۇمكىندىك بەرەدى", دەيدى ول.
ءدارىحانالاردا قالعان دارىلەر مەن كۇندەلىكتى ءدارىنىڭ ساتىلۋ مونيتورينگىسى 22 اتاۋ بويىنشا جۇزەگە اسىرىلادى, ولار – تەرمومەترلەر جانە ءبىر رەتتىك مەديتسينالىق ماسكالار. بۇگىنگى تاڭدا قويمالارداعى قور كولەمى – 5,9 ملن دانا, سەرىكتەس ءدارىحانالاردا – كورسەتىلگەن 69 پرەپارات پەن بۇيىمنىڭ 1 ملن استام وراماسى بار. اسا ۇلكەن سۇرانىسقا يە دارىلىك زاتتار بويىنشا تاپشىلىق جوق.
قالا ءدارىحانالارىندا ءدارى-دارمەكتىڭ بار ەكەندىگىن حابارلاۋ, قالا تۇرعىندارىنىڭ ءدارى تۋرالى وتىنىشتەرىن وڭدەۋ, دارىلەردى جەتكىزۋ تۋرالى ءدارىحانالاردىڭ سۇرانىمدارىن قالا تۇرعىندارىنا اقپارات بەرۋ ماقساتىندا جەدەل جەلى جۇمىس ىستەيدى. (تەل.8-775-882-5602, 8-775-882-5672; ساعات 9.00-دەن 18.00-گە دەيىن).
اعىمداعى جىلدىڭ 13 شىلدەسىنەن باستاپ (45 كۇن), جەدەل جەلى قىزمەتىنىڭ ناتيجەسىندە 4971 ادام قاجەتتى دارىلىك زاتتاردى تاپتى. ەگەر شىلدەنىڭ ءبىرىنشى جارتىسىندا 1,1 مىڭ ءوتىنىش بولسا, 26 تامىزدا 12 قوڭىراۋ مەن 5 جازباشا ءوتىنىش كەلىپ ءتۇستى. ياعني ءدارى-دارمەكتەرگە سۇرانىستىڭ بىرنەشە ەسە تومەندەۋى بايقالادى. بۇل ءسوزسىز وڭ ناتيجە بولىپ تابىلادى.
