وقيعا • 27 تامىز، 2020

ءبىر كۇندە ءۇش اقىننىڭ كىتابى جارىق كوردى

69 رەت كورسەتىلدى

ەلدىڭ رۋحىن كوتەرىپ، مادەني مارتەبەسىن جوعارىلاتىپ، بۇگىنگىدەي الاساپىران ۋاقىتتا سەنىمىنە سەرپىن بەرەتىن بىردەن-ءبىر كۇش ادەبيەت دەسەك، اسىرە سىلتەگەندىك بولماس. ءان مەن كۇي، ولەڭ مەن جىر وركەنيەتتى حالقىمىزدىڭ ونە بويىنا وگەي دۇنيە ەمەس، قاراسوزگە قاناتتانىپ، تابيعي ونەر يەسىن كورسەك تالاپتانىپ كەتەتىنىمىز سودان شىعار. ىندەت ىرگەمىزگە ءىز سالا باستاعاندا، دارىگەرلەرگە رۋح بەرىپ، دارمەنسىزدىككە سالىنباۋعا شاقىرعان قانشاما جىر جازىلدى، قانشاما ءان جارىققا شىقتى. سايىپ كەلگەندە، سونىڭ بارلىعى ادەبيەت ارقىلى ەلدىڭ ەڭسەسىن كوتەرىپ، ۇكىلى ءۇمىتىن ۇزبەۋگە ۇندەدى.

سوزىمىزگە تۇزدىق بولارداي، كۇنى كەشە وسىنداي يگى جا­ڭا­­لىق­تىڭ شەتىن ەستىپ قۋا­نىپ قال­عان جايىمىز بار. ول – پاۆ­لودار وبلىسىندا ءۇش بىر­دەي اقىننىڭ كىتابى جارىق كورۋى ەدى. دالىرەك ايتساق، ايبەك ورال­حاننىڭ «التى اڭعار» اتتى العاشقى جىر جيناعى مەن ال­پىسباي ءابدىل ۇلىنىڭ ء«ارىپتى سوت­تاۋ» اتتى كىتاپتارى جازۋ­شى­­لار وداعى پاۆلودار وب­لىس­تىق فيليالىنىڭ ارنايى جوباسى اياسىندا جانە «جو­مارت جۇرەك» سىي­لىعىنىڭ يەگەرى، ونەر جاناشىرى اسىلبەك تۋعان­بايدىڭ قارجىلاي قولداۋ كورسەتۋىمەن جارىق كورگەن.

«بۇگىنگى جاڭالىق وسى. ايبەك پەن الپىسبايدىڭ كوپتەن كۇتكەن العاشقى كىتاپتارى جا­رىققا شىقتى. كىتاپتاردى شى­عا­رۋعا دەمەۋشىلىك كورسەتكەن اسىلبەك تۋعانباي اعامىزعا العى­سىمىز زور. بۇيىرسا، ەرتىس-بايان ءوڭى­رىنىڭ ادەبي ومىرىندە تاياۋ كۇن­دەرى تاعى دا بىرقاتار ايتۋلى جاڭا­لىق بولاتىندىعىن سۇيىن­شىلەي كەتكىم كەلەدى. كە­رە­­كۋ­دە كوركەمسوزدىڭ سال­قار كو­­شىنە ىلەسكەن تالانتتى تۇس­تاس­تا­رىمىزدىڭ قاتارى كو­بەيۋدە. بۇل كوزىقاراقتى وقىر­ماندى ەرەكشە قۋانتادى. ولاردىڭ ال­دى العاشقى جيناقتارىن شى­­عارىپ تا ۇلگەردى. وسى ءبىر ءۇردىس ۇزدىكسىز جالعاسسا، ءوڭىر­دىڭ ادەبي ءومىرى جاندانا تۇسەرى ءسوز­سىز»، دەيدى اقىن، جازۋشى­لار وداعى پاۆلودار وبلىستىق فيليا­لىنىڭ ديرەكتورى جار­قىنبەك امانتاي.

ال ءۇشىنشى كىتاپتىڭ يەسى –  اي­تىسكەر اقىن، «التىن دومبىرا» يەگەرى اسپانبەك شۇعاتاەۆ. ول كىتابىنا «جەردەگى اسپان سويلەسە...» دەپ ات قويىپتى. اۆ­تور­­دىڭ ايتۋىنشا، كىتاپقا اي­تىس­­تارى مەن ولەڭدەرى ەنگەن.

1

1

1

 

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار