سونداي-اق كارتوپ پەن كوكونىس, مال ازىعىن ءوسىرۋ باعىتىندا دا ىلگەرىلەۋشىلىك بار. جەردەن ونگەن ىرىزدىقتى جيناۋعا 8 مىڭنان استام استىق كومبايندارى جۇمىلدىرىلسا, ولاردىڭ 3,5 مىڭنان استامى جاڭا زامانعى ءونىمدى تەحنيكا. وسى ارادا وبلىستاعى ماشينا-تراكتور پاركىنىڭ əر جىل سايىن جاڭارتىلىپ كەلە جاتقانىن ايتا كەتۋگە بولادى. مəسەلەن بيىل 67 كومباين, 219 تراكتور, 41 استىق كەشەنى ساتىلىپ الىندى. Əزىرگە 654 مىڭ گەكتار القاپتىڭ ەگىنى ورىلدى. گەكتار بەرەكەسى 9,4 تسەنتنەردەن اينالۋدا. ورىلعان استىقتى قابىلداپ, كەپتىرىپ, ىسىراپسىز ساقتاۋ ءۇشىن سىيىمدىلىعى 4,2 ملن توننانى قۇرايتىن 65 استىق قابىلداۋ كəسىپورنى دايىندالعان بولاتىن. وعان اۋىل شارۋاشىلىعى قۇرىلىمدارىنىڭ استىق ساقتايتىن قويمالارىنىڭ سىيىمدىلىعىن ۇستەيتىن بولساق, 6,6 ملن توننا استىقتى ساقتاۋعا تولىق مۇمكىندىك بار.
كۇز جاۋىن-شاشىندى. ىلعال كوپ. سوندىقتان وبلىستا ءبىر تəۋلىكتە 100 مىڭ توننادان استام استىق كەپتىرۋگە قاۋقارى جەتەتىن 240 كەپتىرگىش قۇرىلعىلار دايىندالدى. Əر كۇنى جىلعا ازىق بولاتىن كۇزگى ماۋسىمدا دالا جۇمىستارىن ىركىلىسسىز جۇرگىزۋ ءۇشىن 73 مىڭ توننا كەپىلدەندىرىلگەن ديزەل وتىنى ءبولىندى. ونىڭ 40 پايىزدان استامىنا تولەماقى تولەندى. قازىر اۋداندارداعى تەرمينالدارعا ۇزدىكسىز تاسىمالدانۋدا.
ەل ىرىزدىعى ءۇشىن ەسەلى ەڭبەك ەتىپ جاتقان ديقاندارعا مەملەكەت تاراپىنان وتە جاقسى قولداۋ كورسەتىلۋدە. مəسەلەن, وسى جىلى وبلىستاعى اۋىل شارۋاشىلىعى سالاسىن قولداۋعا 72,6 ملرد تەڭگە قاراجات بولىنگەندىگىن ايتا كەتۋىمىز كەرەك. سونداي-اق «كازاگرو» ۇلتتىق باسقارۋ حولدينگىنىڭ قارجى ينستيتۋتتارى ارقىلى 32,3 ملرد تەڭگە شاماسىندا قولداۋ كورسەتىلدى. بۇل كولەم 2019 جىلى 18,6 ملرد تەڭگە دەڭگەيىندە بولعان.
«كەڭ دالا» باعدارلاماسى بويىنشا «اگرارلىق كرەديتتىك كورپوراتسياسى» ارقىلى 265 اۋىل شارۋاشىلىعى تاۋار وندىرۋشىلەرىنە 20,9 ملرد تەڭگە كولەمىندە نەسيە بەرىلدى. وتكەن جىلعى مۇنداي نەسيەنىڭ مولشەرى 18,6 ملرد تەڭگە دەڭگەيىندە بولعان. اۋىلدىق جەرلەردە نəتيجەلى جۇمىسپەن قامتۋ جəنە جاپپاي كəسىپكەرلىكتى دامىتۋ ماقساتىندا 381 تاۋار ءوندىرۋشى 1,5 ملرد تەڭگە نەسيەگە قول جەتكىزدى.
بيىل اۋىل شارۋاشىلىعى قۇرىلىمدارى 37,3 ملرد تەڭگە سۋبسيدياعا يە بولدى. قازىر ماڭداي تەرىمەن, ايرىقشا كۇش-جىگەرىمەن اقىق ءدəندى ايالاپ وسىرگەن وبلىس ديقاندارى قولايلى ءسəتتى قالت جىبەرمەي, ەل ىرىزدىعىن شاشپاي-توكپەي جيناپ الۋعا بار كۇش-جىگەرلەرىن جۇمىلدىرۋدا.
اقمولا وبلىسى
