قارت ايەلدى ىزدەۋگە پوليتسەيلەرمەن قاتار ەرىكتىلەر دە جۇمىلدىرىلعان. ولار قالانىڭ بارلىق ايماقتارىن, سونىڭ ىشىندە شەتكەرگى كەنتتەردى دە ءسۇزىپ شىققان. بىراق ەشقانداي جەردەن كەيۋانا تابىلماعان.
كەيۋانا تەك كەشە, قالادان 40 شاقىرىم جەردەگى مامليۋتكا قالاسىنىڭ ماڭىنداعى ورماننان تابىلدى. ورمان ۋچاسكەسىن ارالاپ جۇرگەن قورىقشى شارشاپ-شالدىققان قارتتى كورگەندە ول ءوزىنىڭ قايدان كەلە جاتقانىن جانە قاي جاققا بارا جاتقانىن تۇسىندىرە الماعان. قورىقشى دەرەۋ پوليتسياعا حابارلاعان سوڭ ايەلدى باعدارلار بويىنشا تانىعان قىزمەتكەرلەر ونى اۋداندىق پوليتسيا بولىمىنە جەتكىزەدى.
"اجەي باعىتىنان اداسىپ, 5 كۇن بويى قايدا بولعانىن ايتا المادى", دەيدى سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.
"ىزدەستىرۋ جۇمىسىنا قاتىسقان, اجەيدىڭ ومىرىنە بەي-جاي قاراماعان قايىرىمدى جاندارعا, ەرىكتىلەرگە جانە الەۋمەتىك جەلىلەردىڭ اكىمگەرلەرىنە العىس بىلدىرەمىن. ەرىكتىلەردىڭ كومەگى ەرەكشە, حالىقپەن ءوزارا ارەكەت – ءبىز ءۇشىن قۇقىقتىق ءتارتىپتىڭ ماڭىزدى نەگىزدەرىنىڭ ءبىرى", دەدى ول. كەيۋانانىڭ تۋىستارى پوليتسيا مەن ەرىكتىلەرگە العىستارىن ايتتى.
