اباي بايگەنجين قاسىم-جومارت توقاەۆقا ۇلتتىق عىلىمي مەديتسينا ورتالىعى اتقارعان جۇمىستاردىڭ قورىتىندىلارى تۋرالى باياندادى.
باسقارما توراعاسىنىڭ ايتۋىنشا, ورتالىق قۇرىلعاننان بەرى 174 مىڭ ادام ەمدەلىپ شىققان. 81 مىڭ ازاماتتىڭ جۇرەگىنە وتا جاسالعان. 61,5 مىڭ ناۋقاسقا جالپى وتا جاسالىپ, ەمدەلگەن. ونىڭ 70% جاڭا تەحنولوگيالارمەن وتا جاسالعان. اباي بايگەنجين وتانى جاڭا تەحنولوگيالارمەن جاساۋ ارقىلى ادام اعزالارىن ساقتاپ قالۋعا مۇمكىندىك بار ەكەنىن ايتتى. سونىمەن قاتار وسىنداي وتا جاساۋدىڭ ارقاسىندا كوپتەگەن عىلىمي-زەرتتەۋ جۇمىستارىنىڭ جۇرگىزىلگەنىن جەتكىزدى. بۇدان بولەك ۇلتتىق عىلىمي مەديتسينا ورتالىعى ونكولوگيالىق اۋرۋلارعا شالدىققان ناۋقاستاردى ەمدەپ, 477 ادامنىڭ قۇلان-تازا ايىعىپ كەتۋىنە سەپتىگىن تيگىزگەن. باسقارما توراعاسى پاندەميا كەزىندە كوروناۆيرۋس جۇقتىرعان ازاماتتاردى ەمدەگەندەرىن دە اتاپ ءوتتى.
كەزدەسۋ سوڭىندا مەملەكەت باسشىسى ورتالىقتىڭ حالىق دەنساۋلىعىن ساقتاۋدا ۇلكەن جۇمىس اتقارىپ جاتقانىن ايتىپ, الداعى قىزمەتتەرىنە تىلەكتەستىك ءبىلدىردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
