كوروناۆيرۋس • 26 تامىز, 2020

قىتايدا كوروناۆيرۋس ۆاكتسيناسى قولدانىلادى

120 رەت
كورسەتىلدى
1 مين
وقۋ ءۇشىن

قىتاي كورونا­ۆيرۋسقا قارسى ۆاكتسينانى شىلدەدەن باس­تاپ الدىڭعى شەپتە جۇرگەن دارىگەرلەر مەن شەكارالىق باقىلاۋ قىزمەتكەرلەرىنە سالىپ كەلەدى. بۇل تۋرالى ءبىلىم جانە تەحنولوگيانى دامىتۋ ورتالىعىنىڭ ديرەكتورى چجەن چجۋنۆەي مالىمدەدى.

قىتايدا كوروناۆيرۋس ۆاكتسيناسى قولدانىلادى

 

«چجەن CCTV-2 ارناسىنىڭ «پىكىرتالاس» باعدارلاماسىندا ۆيرۋسپەن كۇرەستە الدىڭعى شەپتە جۇرگەندەر ۆاكتسينا سالدىرۋعا قۇقىلى ەكەنىن حابارلادى. قىتاي بيلىگى كوروناۆيرۋسقا قارسى ەكپەنى ەگۋگە 22 شىلدەدە رۇقسات ەتكەن. ۆاكتسينانى Sinopharm كومپانياسى جاساپ شىعارعان. كلينيكالىق تەستىلەۋدىڭ ءۇشىنشى كەزەڭى بىرىككەن اراب امىرلىكتەرىندە, پەرۋدە, ماروككودا جانە ارگەنتينادا وتكىزىلدى», دەيدى CNN اگەنتتىگى.

چجەننىڭ ايتۋىنشا, قىتاي زاڭىندا دەنساۋلىق ساقتاۋ سالاسىندا توتەنشە جاعداي ۆاكتسينانى جەدەل تۇردە قولدانۋعا رۇقسات ەتىلگەن. ايتسە دە, ەكپە الدىڭعى شەپتەگى ادام­دارعا عانا سالىنادى. قىتاي قازىر وسى كەزەڭدە تۇر. كەلەسى ساتىدا بۇكىل ەل حالقىنا ۆاكتسينا جەتكىزۋ ماسەلەسى قارالادى. ياعني, كۇز جانە قىس مەزگىلىندە ۆيرۋستىڭ قايتا ءورشىپ كەتپەۋىن اۋىزدىقتاۋعا كۇش جۇمسالماق.

 

سوڭعى جاڭالىقتار