قوعام • 25 تامىز، 2020

اليك شپەكباەۆ نيدەرلاند كورولدىگىنىڭ قازاقستانداعى ەلشىسىمەن كەزدەستى

19 رەت كورسەتىلدى

بۇگىن سىبايلاس جەمقورلىققا قارسى قىزمەت الاڭىندا اگەنتتىك توراعاسى اليك شپەكباەۆ نيدەرلاند كورولدىگىنىڭ قازاقستان رەسپۋبليكاسىنداعى ەلشىسى اندرە كارستەنسپەن كەزدەسۋ وتكىزدى، - دەپ حابارلايدى Egemen.kz.

كەزدەسۋ بارىسىندا تاراپتار مەملەكەت باسشىسىنىڭ تاپسىرمالارى اياسىندا سىبايلاس جەمقورلىققا قارسى ساياساتتى دامىتۋ جانە ورتاق جوبالاردى ىسكە اسىرۋداعى ەكىجاقتى ءوزارا ارەكەتتەسۋ ماسەلەلەرىن تالقىلادى.

اگەنتتىك توراعاسى «Protecting Business and Investments» جوباسى اياسىندا كاسىپكەرلەر مەن ينۆەستيتسيالاردى قورعاۋ شارالارىنا ەرەكشە نازار اۋدارا وتىرىپ، جەمقورلىققا قارسى ءىس-قيمىل سالاسىنداعى باستامالاردىڭ ناتيجەلەرىمەن ءبولىستى. ۆەدومستۆو باسشىسى اگەنتتىك ينۆەستورلارعا سىبايلاس جەمقورلىققا قارسى قولداۋ كورسەتۋدى جالعاستىرادى دەپ سەنىم ءبىلدىردى.

كارستەنس مىرزا گوللانديالىق ينۆەستورلاردىڭ قازاقستاندا جۇمىس جاساۋعا دەگەن قىزىعۋشىلىعىنىڭ جوعارى ەكەنىن اتاپ ءوتتى. ەلشى اقتوبە وبلىسىنداعى اۋىل شارۋاشىلىعى سالاسىنداعى «Green Capital» جشس جوباسىنىڭ ىسكە اسىرىلۋ بارىسى تۋرالى حاباردار ەتتى.

تاراپتار «قازاقستاندا پارلامەنتاريزمدى دامىتۋ قورى» قق-مەن بىرلەسىپ، «اشىق بيۋدجەتتەردىڭ ينتەراكتيۆتى كارتاسىن» دامىتۋ تۋرالى دا كەلىستى.

قازىرگى تاڭدا ناقتى ۋاقىت رەجيمىندە كارتادا 7،7 ترلن تەڭگەدەن استام سوماعا ەل بويىنشا الەۋمەتتىك نىسانداردى سالۋعا، جوندەۋگە جانە كۇتىپ ۇستاۋعا بولىنگەن بيۋدجەت قاراجاتى تۋرالى جان-جاقتى مالىمەتتەر كورسەتىلگەن.

كەز-كەلگەن ازامات بەلگىلى ءبىر مەملەكەتتىك مەكەمەنىڭ شىعىندارىن زەرتتەپ، سايتتا ورنالاستىرىلعان بيۋدجەت پەن ونىڭ ناقتى ورىندالۋى اراسىنداعى سايكەسسىزدىك تۋرالى حابارلاي الادى.

مەملەكەتتىك اپپاراتتىڭ ەسەپتىلىگىن كۇشەيتۋدىڭ ءتيىمدى قۇرالدارىنىڭ ءبىرى بولا وتىرىپ، ونلاين-كارتا قوعامدىق باقىلاۋدى كەڭەيتۋگە مۇمكىندىك بەرەدى. بولاشاقتا كارتا قىزمەتتى جەتكىزۋشىلەر مەن مەردىگەرلەردىڭ بارلىق تىزبەگىنىڭ مەملەكەتتىك قاراجاتتى يگەرۋىن ەگجەي-تەگجەيلى كورسەتە وتىرىپ، بيۋدجەتتىك شىعىستار مەن ساتىپ الۋلار تۋرالى تولىق اقپاراتتى قامتيتىن تولىققاندى «اشىقتىق پورتالىنا» اينالۋى ءتيىس.

كەزدەسۋ قورىتىندىسى بويىنشا تاراپتار ودان ءارى سىندارلى ىنتىماقتاسۋ مەن ورتاق باستامالاردى بىرلەسىپ ىسكە اسىرۋعا ءوزارا سەنىم ءبىلدىردى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار