دەمەۋشىلىك كومەكتى جوو-نىڭ ەنشىلەس ۇيىمى – نازارباەۆ ۋنيۆەرسيتەتىنىڭ "الەۋمەتتىك دامۋ قورى" كورسەتتى. قورعانىس كوستيۋمدەرىنىڭ جيىنتىعىنا باس كيىم, جوعارى اياق كيىم, مەديتسينالىق قولعاپ, FFP2/N95 رەسپيراتورى جانە قاۋىپسىزدىك كوزىلدىرىگى كىرەدى. دەمەۋشىلىك كومەك نازارباەۆ ۋنيۆەرسيتەتى قوعامداستىعىنىڭ ىنتىماقتاستىق باستاماسى – نۋ قىزمەتكەرلەرىنىڭ, وقىتۋشىلارى مەن تۇلەكتەرىنىڭ قولداۋىمەن پاندەميامەن كۇرەسۋگەكومەك كورسەتۋ ءۇشىن قۇرىلعان جوبا شەڭبەرىندە كورسەتىلدى.
نازارباەۆ ۋنيۆەرسيتەتىنىڭ جوعارى بيزنەس مەكتەبى تۇلەكتەرىنىڭ قاۋىمداستىعى بۇل قولداۋدىڭ وپەراتورى بولىپ تابىلادى. باستاماعا قاتىسۋشىلار مەديتسينا قىزمەتكەرلەرى مەن ولاردىڭ وتباسىلارىن قولداۋ ءۇشىن قاراجات جينايدى, ولار كەيىننەن ەلىمىزدىڭ وڭىرلەرىندەگى مەديتسينالىق مەكەمەلەرگە كومەك كورسەتۋ ءۇشىن بولىنەدى.
"COVID-19-مەن كۇرەسۋشىلەردى جەكە قورعانىس قۇرالدارىمەن قامتاماسىز ەتە وتىرىپ,ء بىز مەديتسينا قىزمەتكەرلەرىنە الدىڭعى قاتارلى, ياعني دارىگەرلەرگە, مەدبيكەلەرگە, تەحپەرسونالعا ولاردىڭ يگى ەڭبەكتەرى ءۇشىن العىس رەتىندە قولداۋ كورسەتۋگە تىرىسامىز. وسى جىلدىڭ مامىر ايىنان باستاپ نازارباەۆ ۋنيۆەرسيتەتى قوعامداستىعىنىڭ ىنتىماقتاستىق باستاماسى شەڭبەرىندە اۋرۋحانالار ءۇشىن جەكە قورعانۋ قۇرالدارىن ۇسىنۋ, قىزىلوردا, شىمكەنت, تاراز, تۇركىستان, قاراعاندى, پاۆلودار جانە نۇر-سۇلتان قالالارىندا مەديتسينالىق قىزمەتكەرلەردىڭ وتباسىلارىنا تاماقپەن قامتاماسىز ەتۋ جانە قولداۋ كورسەتۋتۇرىندە كومەك كورسەتىلدى.ء بىز بۇل جۇمىستى ءارى قاراي دا وسىنداي كومەك قاجەت بولعانشا جالعاستىرامىز", - دەپ اتاپ ءوتتى نۋ جوعارى بيزنەس مەكتەبىتۇلەكتەرى قاۋىمداستىعىنىڭ اتقارۋشى ديرەكتورى اسەل ايمۋشەۆا.
پاندەميا كەزىندە دارىگەرلەرگە ەرىكتىلەر رەتىندە بەلسەندى كومەكتەسكەن, "دارىگەرلەرگە ارنالعان تۇسكى اس" جوباسى اياسىندا مەديتسينا قىزمەتكەرلەرىن تاماقپەن قامتاماسىز ەتىپ جانە قازاقستان مەن تمد دارىگەرلەرىنە اقپاراتتىق قولداۋ كورسەتەتىن, Medsupportkz جوباسى اياسىندا اعىلشىن تىلىنەن كوروناۆيرۋس تۋرالى زەرتتەلگەن جانە اۋدارىلعان عىلىمي ماقالالاردى جاريالايتىن ۋنيۆەرسيتەت ستۋدەنتتەرى مەن تۇلەكتەرى دە شەتتە قالمادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
