دايىندىعى جوق تۋريستەر توبىنىڭ تاۋعا شىعۋى قايعىلى جاعدايعا اكەلدى. سايرام-وگەم ۇلتتىق تابيعي پاركىنىڭ اۋماعىندا قاسقاسۋ اۋىلىنان 30 شاقىرىم جەردە 5 ادامنان تۇراتىن توپ تەڭىز دەڭگەيىنەن 4236 مەتر بيىكتىكتە ورنالاسقان "سايرام" مۇزدىعىنا شىقتى. تاۋدا قار جاتقان, ودان دا جوعارى كوتەرىلۋ ءۇشىن تاعى 1 تاۋلىك قاجەت بولدى. ەشقانداي قۇرال-سايماندارمەن جابدىقتالماعان, تاجىريبەسىز جانە دايىن ەمەس توپتىڭ العا جىلجۋىنا مۇمكىن ەمەس ەدى. سوندىقتان ولار تومەن تۇسۋگە شەشىم قابىلدادى. ءتۇسۋ كۇردەلى ەمەستۇعىن, بىراق توپتىڭ دايىن ەمەس مۇشەلەرى ءبىر ساتتە قاتەلىك جىبەردى. اتاپ ايتقاندا, 1981 جىلى تۋعان ازاماتشانىڭ ابايسىزدا اياعى تايىپ, قۇلاپ كەتتى. وعان كومەكتەسۋ ارەكەتتەرى ءساتسىز اياقتالدى. ناتيجەسىندە, ايەل قاردىڭ ەرۋى سالدارىنان پايدا بولعان تاۋ شىڭىنداعى جارىقتاردىڭ بىرىنە قۇلاپ, قايتىس بولدى.
قۇرامىندا 5 ادام بار تج دەپارتامەنتىنىڭ قۇتقارۋشىلارى راحىمجان بەكەنباەۆتىڭ باسشىلىعىمەن 2020 جىلعى 23 تامىزدا كەشكە وقيعا ورنىنا شىققان. تەڭىز دەڭگەيىنەن 3800 مەتر بيىكتىكتە ەكى تاۋلىك بويى ولار قۇتقارۋ وپەراتسياسىن جۇرگىزدى. الدىمەن قورىقتىڭ ورمانشىلارىنىڭ كومەگى ارقىلى ولار زارداپ شەككەن ەر ادامدى جانە توپتىڭ باسقا مۇشەلەرىن اتپەن تومەنگە قاراي جىبەردى. ءارى قاراي 2 ورمانشى مەن توپتىڭ 2 مۇشەسىمەن بىرگە ولار تەڭىز دەڭگەيىنەن 3800 مەتر بيىكتىكتە قالعان 1981 جىلى تۋىلعان ازاماتشانىڭ دەنەسىن ىزدەۋگە اتتاندى. جەر بەدەرىنىڭ ەرەكشەلىكتەرى, تىك جارتاستار, مۇزدىق شوگىندىلەر عانا ەمەس, اۋا رايىنىڭ قولايسىزدىعى دا ىزدەۋ بارىسىندا قيىندىقتار تۋعىزدى. ء بىر كۇن بۇرىن تاۋدا جاڭبىر جاۋىپ, وتە تايعاق بولدى. 24 تامىز كۇنى كەشكە ساعات 20.05-تە تاۋلىكتىڭ قاراڭعى مەزگىلىنە بايلانىستى ىزدەستىرۋ توقتاتىلدى. ىزدەۋ توبىنىڭ بارلىق مۇشەلەرى لاگەرگە ءتۇستى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
