بۇگىن تسيفرلىق دامۋ, يننوۆاتسيالار جانە اەروعارىش ونەركاسىپ ءبىرىنشى ۆيتسە-ءمينيسترى ب.مۋسين, تسدياو جانە ءىىم ۆيتسە-مينيسترلەرى ا.وسپانوۆ, س.سارسەنوۆ, "قازاقتەلەكوم" اق باسقارما توراعاسى ك.ەسەكەەۆ ورتالىقتىڭ جۇمىسىمەن تانىستى. كەزدەسۋ بارىسىندا COVID-19-بەن كۇرەسۋگە كومەكتەسەتىن تسيفرلىق تەحنولوگيالاردى دامىتۋ جانە ەنگىزۋ ماسەلەلەرى تالقىلاندى.
"پاندەميا كەزىندەگى جەدەل جاردەم ستانتسياسىنا تۇسەتىن قوڭىراۋلار سانى ءۇش ەسە ارتتى, 1000-نان 3000-عا دەيىن, ال كۇنىنە 4 ەسە, 4000-عا دەيىن قوڭىراۋلار ءتۇستى. بۇرىن جەدەل جاردەم ستانتسياسىنىڭ بازاسىندا ءماجىلىس زالى بولعان, ءبىز ونى احۋالدىق جانە بايلانىس ورتالىقتارىنا اينالدىردىق. بۇل ورتالىقتاردىڭ اشىلۋى بىزگە جەدەل جاردەم ستانتسياسىنداعى جۇكتەمەنى ازايتىپ قانا قويماي, تەز ءارى ءتيىمدى كومەك كورسەتۋگە مۇمكىندىك بەردى. پاتسيەنتتەر لەگىن دۇرىس ءبولۋ وتە ماڭىزدى. احۋالدىق ورتالىق COVID-19 پاندەمياسى كەزىندە مەديتسينالىق ۇيىمدار اراسىندا ءوزارا ءتيىمدى بايلانىس جاساۋعا مۇمكىندىك بەرەدى. جرۆي ماۋسىمى ءالى الدا, ۆيرۋس ەشقايدا كەتكەن جوق. ءبىز احۋال ورتالىعىنىڭ, call-ورتالىقتاردىڭ جانە باسقا دا جۇمىستاردى كۇشەيتۋدى جالعاستىرامىز", دەدى ەلوردا اكىمى التاي كولگىنوۆ.
سونداي-اق, بۇگىن مەملەكەتتىك ورگاندار مەن ۇلتتىق كومپانيا وكىلدەرى بىرىڭعاي 112 ديسپەتچەرلىك بايلانىستىڭ جۇمىسىن دامىتۋ ماسەلەلەرىن تالقىلادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
