"استانا جاستارى" جاستار رەسۋرستىق ورتالىعىنىڭ ەرىكتىلەرىنىڭ تۇراقتى قامقورلىعىندا 150 زەينەتكەر بار. الايدا, كارانتين كەزىندە كومەككە مۇقتاج قارتتاردىڭ سانى ارتتى.
"توتەنشە جاعداي كەزىندە ءبىزدىڭ ەرىكتىلەر بارلىق زەينەتكەرلەرگە, ۇلى وتان سوعىسىنىڭ ارداگەرلەرىنە, تىل ارداگەرلەرىنە كومەك كورسەتتى. ولارعا ازىق-ت ۇلىك سەبەتتەرى جەتكىزىلىپ, مەديتسينالىق ماسكالار تەگىن تاراتىلدى. كوپ قارت ادامدار ءدارى-دارمەك ساتىپ الۋ ءۇشىن ۇيلەرىنەن شىعا المايدى. ولارعا ءدارى-دارمەكتەردى تابۋعا جانە ساتىپ الۋعا كومەك كورسەتىلدى. قالانىڭ 53 نۇكتەسىندە زەينەتاقىلاردى راسىمدەۋ كەزىندە ءبىزدىڭ ەرىكتىلەر كەزەكتەردى رەتتەپ, تەگىن مەديتسينالىق ماسكالار مەن قول ورامالدارىن تاراتۋمەن اينالىسقان. سەبەبى زەينەتكەرلەر كوپ جاعدايدا زەينەتاقىلارىن ەسكىشە ادىسپەن كارتادا ەمەس, قولما-قول الادى", دەدى شىڭعىس تلەۋلين, "استانا جاستارى" باسشىسى.
"استانا جاستارى" كومەك كورسەتەتىن زەينەتكەرلەردىڭ ءتىزىمى ارداگەرلەر كەڭەسىندە نەمەسە اكىمدىكتەر جانىنداعى وبلىستىق الەۋمەتتىك قورعاۋ باسقارمالارىندا بەرىلەدى. بۇگىنگى تاڭدا ەرىكتىلەر قارت ادامدارعا الەۋمەتتىك كومەك الۋعا ءوتىنىش تولتىرۋعا كومەكتەسۋدە.
"كوپتەگەن زەينەتكەر فيزيكالىق مۇمكىندىكتەرىنە بايلانىستى ءوتىنىش بەرە المايدى. بۇگىن ءبىز بايقوڭىر اۋدانىنان باستادىق. مۇندا كومەككە مۇقتاج زەينەتكەرلەر كوپ. ءبىزدىڭ ەرىكتىلەر ۇيىم ۇسىنعان تىزىمگە سايكەس مەكەنجايعا كەلىپ, زەينەتكەرلەرمەن بىرىگىپ جۇمىس جاساپ ءوتىنىش تولتىرادى. وسىدان كەيىن ءوتىنىش جۇمىسپەن قامتۋ بولىمىمەن جۇمىس ىستەيتىن ۇيىمدارعا بەرىلەدى", دەدى شىڭعىس تلەۋلين.
"استانا جاستارى" جرو ەرىكتىلەر ءبولىمى 2014 جىلى اشىلعان. قازىرگى ۋاقىتتا مالىمەتتەر بازاسىندا ەرىكتىلەر مەكتەبىندە ارنايى دايىندىقتان ءوتىپ جاتقان 2000 ەرىكتى جۇمىس ىستەيدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
