كەزدەسۋلەردە پارلامەنتشىلەردىڭ باستاماسى بويىنشا ازىرلەنگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. ۇسىنىلىپ وتىرعان زاڭ جوباسى ازاماتتاردىڭ بىلىكتى زاڭ كومەگىن الۋ قۇقىعىن ىسكە اسىرۋىنا كەپىلدىكتى ارتتىرادى.
سۋديالارمەن كەزدەسۋدە ۆ.ۆولكوۆ شەشىم قابىلداۋدا سۋديالاردىڭ تاۋەلسىزدىگى مەن دەربەستىگىن, سوت تورەلىگىن جۇزەگە اسىرۋ ساپاسىن ارتتىرۋعا, سۋديالىققا كانديداتتاردى ىرىكتەۋ تاسىلدەرىن وڭتايلاندىرۋعا باعىتتالعان جۇيەنى ودان ءارى جەتىلدىرۋ ماسەلەلەرىن قوزعادى. اكىمشىلىك راسىمدىك-پروتسەستىك كودەكسىنىڭ نەگىزگى ەرەجەلەرى دە قارالدى. قالالىق سوت توراعاسى جاڭا اكىمشىلىك سوتتار قولدانىستاعى قىزمەتكەرلەر قۇرامىنان جانە قولدانىستاعى ماتەريالدىق-تەحنيكالىق بازانىڭ نەگىزىندە جاساقتالاتىنىن حابارلادى.
«قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىن قابىلداۋ – مەملەكەت ءۇشىن ماڭىزدى وقيعا. اكىمشىلىك راسىمدەر مەن سوت ءىسىن جۇرگىزۋدىڭ جاڭا قاعيداتتارىن ەنگىزۋ ازاماتتاردى بيلىك سۋبەكتىلەرى تاراپىنان بولۋى مۇمكىن تەرىس قىلىقتاردان قورعاۋعا, سونداي-اق مەملەكەت پەن قوعام اراسىندا تۋىندايتىن قاتىناستارعا تىڭ سەرپىن بەرەدى», دەدى سەناتور.
سەناتوردىڭ ادۆوكاتتىق قوعامداستىقپەن كەزدەسۋىندە قالالىق ادۆوكاتتار القاسىنىڭ تورالقاسى كەيبىر زاڭنامالىق نورمالار بويىنشا ءوزىنىڭ ساراپتامالىق پىكىرىن ءبىلدىردى, ونى دەپۋتات سەناتتىڭ بەيىندى كوميتەتى زەردەلەيتىنىن اتاپ ءوتتى.
* * *
ءماجىلىس دەپۋتاتتارى ش.وتەمىسوۆ پەن س.يماشەۆا ورال قالاسىندا «نۇرلى جول» باعدارلاماسى اياسىندا سالىنىپ جاتقان توعىز قاباتتى تۇرعىن ءۇي قۇرىلىسى الاڭىندا بولدى.
بۇل نىساندى وسى جىلدىڭ سوڭىندا اياقتاۋ جوسپارلانعان. ماجىلىسمەندەر جۇمىس قارقىنى مەن ساپاسىنا باسا نازار اۋداردى. اسىرەسە تۇرعىن ءۇي اۋماعىن كوگالداندارۋ, اباتتاندىرۋ, الەۋمەتتىك ينفراقۇرىلىم ماسەلەلەرىنە كوڭىل ءبولدى. دەپۋتاتتار پاتەر ءبولىسى كەزىندە جەرگىلىكتى اتقارۋشى ورگان وكىلدەرىنىڭ اشىقتىقتى قامتاماسىز ەتۋ جايىنا توقتالدى. اتاپ ايتقاندا, ءاربىر ۇمىتكەر, ءوزىنىڭ كەزەگىن كۇندەلىكتى عالامتور ارقىلى باقىلاۋ مۇمكىندىگىنە يە بولۋى كەرەك. بۇل سىبايلاستىقتىڭ الدىن الۋعا جول اشادى. وبلىس ورتالىعىندا بولعان كەزدە دەپۋتاتتار 900 ورىندى № 51 مەكتەپ قۇرلىسىنا باردى. ولار, اسىرەسە پاندەميا كەزىندە بالالاردىڭ ءبىلىم الۋى ەل باسشىلىعىنىڭ ايرىقشا نازارىندا ەكەنىن العا تارتا كەلىپ, جاڭا وقۋ جىلىنا دايىندىق بارىسىمەن تانىستى. قۇزىرلى ورىن وكىلدەرى قاشىقتان وقىتۋ ۇردىسىندە ساپالى ينتەرنەت بايلانىسى وزەكتى ەكەنىن ايتتى. س.يماشەۆا بارلىق ماڭىزدى سۇراقتاردى ۇكىمەت نازارىنا ۇسىناتىنىن جەتكىزدى. سونىمەن قاتار دەپۋتاتتار ماسكەۋ جانە شولوحوۆ كوشەلەرىندەگى كاناليزاتسيا جۇيەلەرىن قايتا قالپىنا كەلتىرۋمەن اينالىسىپ جاتقان جۇمىسشىلارمەن كەزدەستى. مەردىگەرلەردىڭ ايتۋىنشا, بۇگىنگى كۇنى قاجەتتى قۇرىلىس ماتەريالدارى تولىق الىنعان. جۇمىس جوسپار بويىنشا جۇرگىزىلۋدە.
* * *
سەنات دەپۋتاتتارى ن.بەكنازاروۆ پەن ا.قاپباروۆا پاندەميا جاعدايىندا شىمكەنت مەكتەپتەرىن جاڭا وقۋ جىلىنىڭ باستالۋىنا دايىنداۋ ماسەلەلەرىن تالقىلادى.
قازىرگى تاڭدا ءبىلىم بەرۋمەن 222 مىڭنان استام وقۋشىنى قامتۋ قاجەت. اكىمدىك سەناتورلارعا مەكتەپتەر «Bilim Iand» پلاتفورماسى ارقىلى قاشىقتان وقىتۋعا تولىق دايىن ەكەنىن حابارلادى. وپەراتور سەرۆەرلەردى ورناتۋدى جۇزەگە اسىراتىن بولادى. قالالىق ءبىلىم باسقارماسى باسشىسىنىڭ ايتۋىنشا, ۇكىمەت قاراجاتى ەسەبىنەن كوپبالالى جانە از قامتىلعان وتباسىلاردىڭ بالالارىنىڭ ونلاين-ساباق وقۋىنا جاعداي جاساۋ ءۇشىن جاڭا وقۋ جىلىندا 36 مىڭ كومپيۋتەر ساتىپ الىنادى.
سونىمەن قاتار 14 940 باستاۋىش سىنىپ وقۋشىسى ءۇشىن اتا-انالارىنىڭ كەلىسىمىمەن قاتاڭ سانيتارلىق تالاپتاردى ساقتاي وتىرىپ, 996 كەزەكشى سىنىپ اشىلادى. سونداي-اق دەپۋتاتتار مەكتەپتەر ءداستۇرلى وقىتۋ فورماتىنا كوشكەنگە دەيىن ءۇش اۋىسىمدى ءبىلىم بەرۋ ماسەلەسىن شەشۋ قاجەتتىگىن ەسكە سالدى. شىمكەنت قالاسىندا ورنالاسقان 19 مەكتەپتە ساباق ءالى دە ءۇش اۋىسىمدا جۇرگىزىلۋدە. سەنات دەپۋتاتتارى جەرگىلىكتى ورگاندار اتالعان ماسەلەنىڭ شەشىلۋىن تۇراقتى باقىلاۋعا الۋى قاجەت ەكەنىن ايتتى.
* * *
ءماجىلىس دەپۋتاتى ي.ۋنجاكوۆا شىعىس قازاقستان وبلىسى تۇرعىندارىمەن كارانتين ۋاقىتىندا مەملەكەتتىك قىزمەت كورسەتۋ ماسەلەلەرى بويىنشا تالقىلاۋ وتكىزدى.
دەپۋتات وسكەمەن قالاسىنداعى حالىققا قىزمەت كورسەتۋ ورتالىعىنىڭ تىنىس-تىرشىلىگىمەن تانىستى. سونداي-اق ورتالىق قىزمەتىنە جۇگىنگەن ازاماتتارمەن دە تىلدەستى. ولاردىڭ ايتۋلارىنشا, كارانتين ۋاقىتىندا دا مەملكەتتىك قىزمەت ءتيىستى دەڭگەيدە قولجەتىمدى بولعان. تۇرعىندار ۋاقىتشا شەكتەۋلەرگە تۇسىنىستىكپەن قاراپ, جەكە سۇراقتاردىڭ وڭتايلى شەشىمىن تاپقانىن العا تارتتى. دەپۋتات «ازاماتتارعا ارنالعان ۇكىمەت» جۇمىسىنا دا باسا نازار اۋداردى.
وسكەمەندە ي.ۋنجاكوۆا «جانۇيا» قۇرىلىس الاڭىندا بولدى. نىسان «جۇمىسپەن قامتۋ جول كارتاسى» باعدارلاماسى اياسىندا سالىنۋدا. قيىن جاعدايعا تاپ بولعان كەز كەلگەن وتباسى بۇل جەردەن تەگىن اقپارات, كونسۋلتاتسيا, ءبىلىم باعىتتارى بويىنشا كومەك الۋىنا بولادى.
