قوعام • 24 تامىز، 2020

قازاقستاندا 2 500 بالا كوروناۆيرۋس ىندەتىن جۇقتىردى

497 رەت كورسەتىلدى

قازاقستاندا 2 500 بالا كوروناۆيرۋس ىندەتىن جۇقتىردى، دەپ حابارلايدى Egemen.kz

ازىرگە سىرقاتقا شالدىعۋشىلاردىڭ اراسىندا ەشكىمدە ءولىم دەرەگى تىركەلمەدى. ءمان-جايدى تولىعىراق "پەدياتريا جانە بالالار حيرۋرگياسى عىلىمي ورتالىعى" اق باسقارما ءتورايىمى، دارىگەر ريزا بورانباەۆا ورتالىق كوممۋنيكاتسيالار قىزمەتىندە وتكەن بريفينگىندە تارقاتىپ ءوتتى.

دارىگەر ريزا بورانباەۆانىڭ ايتۋىنشا، ەرەسەكتەرگە قاراعاندا بالالار كوروناۆيرۋس ينفەكتسياسىن سيرەك جۇقتىرادى. ولاردا كلينيكالىق سيمپتوم بايقالمايدى جانە اۋرۋحاناعا سيرەك جاتقىزىلادى. بۇدان بولەك، بالالاردا اۋرۋ سيمپتومسىز، جەڭىل تۇردە وتەدى. الايدا ولار دا ىندەتتىڭ اۋىر تۇرىمەن اۋىرۋى مۇمكىن ەكەنىن قوسا كەتتى.

"پاندەميا باستالعاننان بەرى قازاقستاندا كوروناۆيرۋس ينفەكتسياسىن شامامەن 2500 بالا جۇقتىردى. ونىڭ ىشىندە 111 ءسابي بار. 80 پايىز جاعدايدا بالالار كوروناۆيرۋس ينفەكتسياسى سيمپتومسىز، جەڭىل فورمادا ءوتتى. تەك 20 پايىز جاعدايىندا بالالار اۋرۋدى ورتاشا جانە اۋىر فورمادا وتكىزدى. بۇل كوبىنە سوزىلمالى اۋرۋى بار بالالاردا بايقالدى. وسىلايشا كوروناۆيرۋس ينفەكتسياسى ولاردىڭ جاعدايىن قيىنداتتى. ولاردىڭ اراسىندا ءولىم دەرەگى تىركەلگەن جوق"، دەدى دارىگەر.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار