بايقاۋعا قاتىسۋ وقۋشىلار مەن ستۋدەنتتەردىڭ شىعارماشىلىق قابىلەتتەرىن دامىتۋعا ىقپال ەتەدى, ولاردىڭ عىلىمي-تەحنيكالىق باعىتتاعى قولدانبالى زەرتتەۋلەرگە قىزىعۋشىلىعىن ارتتىرادى.
بيىل پاندەميالىق شەكتەۋ شارالارىنا بايلانىستى بايقاۋ ونلاين-فورماتتا ءوتتى. بىراق سوعان قاراماستان, جاستار تاراپىنان بايقاۋعا دەگەن قىزىعۋشىلىق تومەندەمەدى. «KazRoboProject-2020» باعدارلاماسىنا ەلىمىزدىڭ بارلىق ءوڭىرىنىڭ وكىلدەرى قاتىستى. بايقاۋعا 62 (91 قاتىسۋشى) ءوتىنىش تىركەلدى, ونىڭ 54-ءى ونلاين قورعاۋعا جىبەرىلدى.
جوبالارمەن جۇمىس ىستەۋ بارىسىندا قاتىسۋشىلار قۇرىلعىلاردى جوبالاۋ, سىزبالاردى وقۋ, روبوتتاردى قۇراستىرۋ, ازىرلەنگەن مودەلدەردى باعدارلامالاۋ نەگىزدەرىن يگەرەدى. ولار ديزاينەرلەردىڭ نەگىزگى كومپونەنتتەرىن جانە ولاردىڭ فۋنكتسيونالدىلىعىن زەرتتەيدى. سونىمەن قاتار بالالار شاعىن ماركەتينگتىك زەرتتەۋلەر, قاراپايىم قارجىلىق ەسەپتەۋلەر جۇرگىزەدى. مۇنىڭ ءبارى, ارينە كەيىنگى جوبالاۋ قىزمەتىندە پايدالى بولادى.
«جوبانى ناقتى جاعدايلاردا پراكتيكالىق قولدانۋعا ماقساتتى جانە جۇيەلى تۇردە دايىنداۋ ءبىلىم الۋشىلاردى راتسيوناليزاتورلىق قىزمەتتىڭ نەگىزدەرىن تۇسىنۋگە ءارى قاراي كاسىبي ءوسۋ ءۇشىن نەگىز بولۋى ءتيىس. ءبىزدىڭ بالالار بولاشاقتا عىلىمي, ينجەنەرلىك-تەحنيكالىق باعىتپەن بايلانىستى ماماندىقتاردى تاڭداپ, قازاقستان ەكونوميكاسىنىڭ دامۋىن جاڭا دەڭگەيگە شىعارادى دەپ ويلايمىز», دەيدى «كازروبوتيكس» فەدەراتسياسىنىڭ پرەزيدەنتى ايجان جەكەەۆا.
بالالار جاساعان جوبالار – بۇل ناقتى ماسەلەنى شەشۋ ءۇشىن ايتارلىقتاي پايدا اكەلەتىن تەحنيكالىق قۇرىلعىنى (روبوتتاندىرىلعان قۇرىلعى, ميكروپروتسەسسورلىق جۇيە) قۇرۋعا باعىتتالعان قولدانبالى شىعارماشىلىق جۇمىستار.
بايقاۋ ەكى جاس توبىندا وتكىزىلدى: 10-15 جاس جانە 16-21 جاس ارالىعىندا, سونىمەن قاتار ءار جاس توبىندا ەكى نوميناتسيا: «كونتسەپت» جانە «پروتوتيپ» بولدى. تۇجىرىمداما («كونتسەپت») – بۇل جوبا يدەياسى مەن پروتسەستەر لوگيكاسىن كورسەتۋ ءۇشىن جينالعان قۇرىلعىنىڭ ورنالاسۋى. پروتوتيپ – بۇل ناقتى پايدالانۋعا جاقىن, تاپسىرمانى ورىندايتىن قۇرىلعىنىڭ «جەتىلگەن» مودەلى.
قاتىسۋشى كوماندالار عىلىمي جەتەكشىسى بار ەكى ادامنان تۇرادى. قازىرگى ۋاقىتتا قازىلار القاسى ونلاين-رەجىمدە تانىستىرىلعان ۇزدىك جۇمىستاردىڭ اۆتورلارىن ىرىكتەۋدە. بايقاۋ جەڭىمپازدارىن ماراپاتتاۋ ءراسىمى قىركۇيەك ايىندا وتەدى.
