قانات قادىرجان ۇلىنىڭ ەكى جوعارى ءبىلىمى بار. 2003 جىلى الماتى قالاسىنداعى ورتا-ازيالىق ۋنيۆەرسيتەتىنەن قۇقىقتانۋ, 2008 جىلى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنەن قارجى ماماندىعىن الدى. ال,2015 جىلى رەسەي فەدەراتسياسىندا استراحان مەملەكەتتىك ۋنيۆەرسيتەتىن «قۇقىقتانۋ ماگيسترى» دارەجەسىمەن ءبىتىردى.
2018 جىلى چەحيا رەسپۋبليكاسىنداعى «Central Bohemia Institute of Applied Science and Management» وقۋ ورنىنىڭ ەكونوميكا جانە بيزنەس سالاسىنداعى ء ىسكەرلىك باسقارۋ دوكتورى باعدارلامالارىندا وقىپ, عىلىمي دارەجەسىن الدى.
ەڭبەك جولىن «جۇزە» جشس-دە زاڭگەردىڭ كومەكشىسى, كەڭەسشى-زاڭگەر, زاڭگەر بولىپ باستاپ, «كاسپيان پرودجەكت سەرۆيسەس» جشس ديرەكتوردىڭ ورىنباسارى, ديرەكتورى, «Region Trans Com» جشس-دە باس ديرەكتورى لاۋازىمىندا جۇمىس ىستەدى. 2010-2012 جىلدارى «نۇر وتان» حدپ اتىراۋ وبلىستىق فيليالىنىڭ قوعامدىق-ساياسي جۇمىس ءبولىمىنىڭ كەڭەسشىسى, ۇيىمداستىرۋ-پارتيالىق ءبولىم مەڭگەرۋشىسى قىزمەتتەرىن اتقاردى.
2012 جىلدىڭ ماۋسىمىنان «Kaz Trans Oil-Logistik» جشس-دە ديرەكتورى, 2013-2016 جىلدارى «نۇر وتان» پارتياسى اتىراۋ قالالىق فيليالى توراعاسىنىڭ ءبىرىنشى ورىنباسارى لاۋازىمدا بولدى. 2016 جىلدىڭ ءساۋىرىنەن 2018 جىلعى قازانعا دەيىن اتىراۋ قالالىق مءاسليحاتىنىڭ حاتشىسى, 2018 جىلدىڭ قازانىنان «Region Trans Com» جشس كادرلار جونىندەگى ديرەكتورى, وسى كەزگە دەيىن قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك ارىپتەستىك دەپارتامەنتى ديرەكتورى لاۋازىمىندا جۇمىس ىستەدى.
