اعايىنداعى الالىق بارىمىزگە باتادى

كورشى ەلدەگى قولايسىز جاعداي ءبىز­دىڭ ەلگە دە اۋىر ءتيىپ وتىر. ەجەل­دەن “توسەكتە باسى, توسكەيدە مالى” قوسىلىپ, تاتۋ وتىرعان, با­رىن­شا جاقىن اعايىن جۇرتتىڭ ءىشىن­دەگى الالىق بىزگە باتپاي قويا ما؟ وسىنداي ءبىر رەت شىققان ءبۇ­لىك­تىڭ ءوزى حالىقتىڭ ەسىندە ماڭگى قا­لاتىن, ال مىنا وقيعا الدىڭعى­سىنا كوپ ۋاقىت وتپەي جاتىپ تاعى دا قايتالانىپ وتىرعانى وتە وكىنىشتى. “شىققان قول وينامالى” دەگەندەي, حالىقتىڭ مىڭداعان جىلدار بويى اڭساپ, زورعا قولى جەتىپ, ءوز الدىنا ەل بولىپ جات­قانىندا قايتا-قايتا  كوتەرىلۋى جاقسىلىققا اپارمايدى. ارينە, مۇنى ەكونوميكالىق قيىن­دىق­پەن تۇسىندىرۋگە بولار. بىراق سو­نىڭ ىشىندە كەيبىرەۋلەردىڭ تىرشىلىك مۇددەلەرى دە جاعدايدى ۋشىقتىرا تۇسۋگە سەبەپ بولاتىن سەكىلدى. مەن بۇل حالىقتى وتە جاقسى بىلەمىن, ونىمەن جاپسارلاس جاتقان وڭىردە تۋىپ-ءوستىم. كەيىنگى ومىردە دە قويان-قولتىق ارالاستىق دەۋگە بولادى. “ماناستىڭ” مىڭ جىلدى­عىن وتكىزۋگە سول جىلدارى مەن باسقار­عان جامبىل وبلىسى ۇلكەن كومەك كورسەتتى.   “ماناسقا – 1000 جىل” ات­تى مەرەكەلىك التىن مەدالدىڭ ءبىرىن دە قىرعىز اعايىندار ماعان تاق­قان بولاتىن. سول كەزدەگى قىر­عىز باسشىلارى ا.اقاەۆ, ا.جۇما­عۇ­لوۆتارمەن جاقسى ارالاستىم. اسقار اقاەۆ وتە مادەنيەتتى, حا­لىققا شىن  جانى اشيتىن, مىنەزى جۇمساق, وتە ءجايلى ادام ەدى. ونىڭ قىزمەتتەن توڭكەرىس جولىمەن كەتكەنىنە وكىنىش ءبىلدىرۋشى ەدىم. ال ق.باكيەۆ جالپى حالىققا جاقسى بەلگىلى ەمەس ادام ەدى. ول قولىنداعى بيلىگى نىعايا باستاعان سوڭ-اق حالىققا بەرگەن ۋادەسىن ۇمىتتى, قايتا وزىمەن بىرگە بولعان ءارىپ­تەستەرىنىڭ كوبىن قۋدالاپ, كەي­بىرىن ءتىپتى تۇرمەگە جاپقىزدى. حا­لىق­تىڭ جاعدايى جاقسارۋدىڭ ورنى­نا بۇرىنعىدان دا تومەندەپ كەتتى. حالىق مۇن­دايعا شىدامادى, “شولمەك كۇندە سىنبايدى, ءبىر-اق كۇندە سىنادى” دەگەندەي, وسىنداي جاعداي ورىن الدى. ەندى ارتى تىنىشتىعىمەن تىنسىن دەيىك. ق.باكيەۆتىڭ ءوز ەركىمەن, ەلدىڭ اراسىن اشپاي وتس­تاۆكاعا كەتكەنى دۇرىس. قازاقستان قولدان كەلگەن مورالدىق, ماتە­ريال­دىق جاردەمىن جاساپ, اعايىن ەلدە تۇراقتىلىقتىڭ ورناۋىنا ىقپال ەتۋى كەرەك. ومىربەك بايگەلدي, سەناتور. الدىن الماسا — اپات قىرعىزستانداعى وقيعالار سياقتى قانتوگىسكە ۇلاسقان   جاع­داي­لار الەۋمەتتىك تۇرعىدان از قام­تىلعان ەلدەردە ورىن الادى. كورشى ەلدە, بىزبەن تۋىسقان ەلدە وسىنداي قاندى وقيعانىڭ ورىن العانى وتە وكىنىشتى. ءبىزدىڭ پرەزيدەنت نۇر­سۇلتان نازارباەۆ بۇل وقيعالارعا دۇرىس باعا بەردى جانە قازاقستان ونداعى جاعدايدى رەتتەۋگە ەقىۇ-عا توراعالىق ەتۋشى ەل رەتىندە دە ىق­پال ەتە الاتىنىن ايتتى. قىرعىزستان باسشىلىعى مۇن­داي­دىڭ الدىن الۋى كەرەك ەدى. ون­سىز دا تۇرمىس دەڭگەيى وتە تومەن حالىققا كوممۋنالدىق تولەمدەردىڭ ءتاريفىن بىردەن بيىككە كوتەرۋ اسا قاۋىپتى ەكەنىن ولار بولجاۋعا ءتيىستى بولاتىن. ەلدە قان توگىلۋىن, سونىڭ ىشىندە جاس ادامداردىڭ ءومىرىنىڭ قيى­لۋىن ەشقانداي سەبەپپەن اقتاي المايسىڭ. قانداي جاعدايدا دا حا­لىققا قارسى اسكەري وق اتۋعا بول­ماي­تىن ەدى, تۇرعىنداردىڭ نارا­زى­لىعى كۇش كور­سەتۋگە ۇلاسسا, وعان قار­سى قولدانى­لاتىن تولىپ جاتقان وسى زامانعى جەتىلدىرىلگەن جاراق­تار بار ەمەس پە؟!  ماسەلەن, سۋ شا­شۋ, گاز قولدانۋ, ت.ب. سياقتى. ال تاعى دا قايتالاپ ايتامىن, كىسى ولىمىنە اكەلەتىن وق اتۋدى ەشقانداي دا اقتاۋعا بولمايدى. ەلدەگى كونستيتۋتسيالىق ءتار­تىپتىڭ بۇزىلۋىنا ەشقانداي جول بەرىلمەۋى ءتيىس. قىرعىزستانداعى جاعدايدى رەتتەۋگە حالىقارالىق ۇيىمدار بەلسەندى قاتىسۋلارى كەرەك. سونىڭ ىشىندە ەقىۇ-نىڭ توراعاسى رەتىندە قازاقستان كورشى تۋىسقان ەلدە تۇراقتىلىقتىڭ ورناۋىنا قولدان كەلگەن كومەكتىڭ ءبارىن جاساپ, وعان ۇيىمنىڭ الەۋەتىن تولىق پايدالانۋى قاجەت. ال ەندى ق.باكيەۆتىڭ قايتادان مەملەكەت باسىنا كەلەتىنىنە كۇمانىم بار. ويتكەنى, ءوز حالقىنا قارسى وق اتقان ادامنىڭ قايتادان ەلدى باسقارۋعا كەلۋى ماعان مۇمكىن ەمەس سەكىلدى كورىنەدى. عاني قاسىموۆ, قازاقستان پاتريوتتارى پارتياسىنىڭ توراعاسى.