قازاقستان • 20 تامىز، 2020

كولىك ماسەلەلەرى جونىندە زاڭ جوباسىنىڭ تۇجىرىمداماسى ماقۇلداندى

31 رەت كورسەتىلدى

اعىمداعى جىلدىڭ 13 تامىزىندا زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" تۇجىرىمداما ماقۇلداندى. بۇل تۋرالى Egemen.kz يدم ءباسپاسوز قىزمەتىنە سىلتەمە جاساي وتىرىپ حابارلايدى.

زاڭ جوباسىن قابىلداۋ 2020-2025 جىلدارعا ارنالعان "نۇرلى جول" ينفراقۇرىلىمدىق دامۋ مەملەكەتتىك باعدارلاماسى، قر پرەزيدەنتىنىڭ 2019 جىلعى 20 جەلتوقسانداعى ۇلتتىق قوعامدىق سەنىم كەڭەسى وتىرىسىندا قر ۇكىمەتىنە بەرگەن تاپسىرماسى جانە 2019 جىلعى 25 شىلدەدە قر پرەمەر-ءمينيسترىنىڭ ورىنباسارى بەكىتكەن "باقىتتى بالا – باقىتتى انا – باقىتتى وتباسى – باقىتتى ەل" جول كارتاسى، "100 ناقتى قادام" ۇلت جوسپارىنىڭ اۋە تاسىمالداردى رەتتەۋ تيىمدىلىگىن ودان ءارى ارتتىرۋ بولىگىندەگى 68-قادامى سياقتى مىندەتتەردى ورىنداۋ قاجەتتىلىگىنە بايلانىستى بولىپ وتىر.

زاڭ جوباسىندا:

- كولىكتىك باقىلاۋدى جۇزەگە اسىرۋ كەزىندە لاۋازىمدى تۇلعانىڭ تاسىمالداۋشىمەن تىكەلەي بايلانىسىنان تۋىندايتىن سىبايلاس جەمقورلىق تاۋەكەلدەرىن جويۋ;

- اۆتوموبيل جولدارى مەن ينفراقۇرىلىمنىڭ ساقتالۋىن ارتتىرۋ;

- جولاۋشىلاردى، باگاجدى جانە جۇكتەردى اۆتوموبيلمەن تاسىمالداۋ قاۋىپسىزدىگىن كۇشەيتۋ;

- اكىمشىلىك كەدەرگىلەردى ازايتۋ;

- تسيفرلىق قىزمەتتەر ساپاسىن جاقسارتۋ، قۇجاتتاردىڭ قاعاز نىساندارىن الىپ تاستاۋ;

- اۆتوموبيل جولدارىنىڭ اقىلى ۋچاسكەلەرىن دامىتۋ;

- جالپى ەلدىڭ كولىك-ترانزيتتىك الەۋەتىن نىعايتۋ كوزدەلگەن.

زاڭ جوباسىن ىسكە اسىرۋ ارقىلى:

- كولىكتىك باقىلاۋ جۇيەسىندە ادام فاكتورى مەن سىبايلاس جەمقورلىق تاۋەكەلدەرىن الىپ تاستاۋ;

- جولاۋشىلاردى، باگاجدى جانە جۇكتەردى تاسىمالداۋ قاۋىپسىزدىگىن كۇشەيتۋ;

- اۆتوجولداردىڭ ساقتالۋىن ارتتىرۋ، تاسىمالداۋدىڭ بالاما تۇرلەرىن دامىتۋ;

- تسيفرلىق قىزمەتتەردىڭ ساپاسىن جاقسارتۋ، قۇجاتتاردىڭ قاعاز نىساندارىن الىپ تاستاۋ;

- اكىمشىلىك كەدەرگىلەردى ازايتۋ، قاشىقتىقتان باقىلاۋ نىسانىنا كوشۋ;

- ۇلتتىق زياتكەرلىك كولىك جۇيەسىن دامىتۋ، تاسىمالداۋ قىزمەتى ءۇشىن قولايلى جاعدايلار جاساۋ;

- جولداردا تاۋەكەلدەردى باعالاۋدىڭ وبەكتيۆتى جانە اشىق جۇيەسىن قۇرۋ;

- كولىك سالاسىنداعى زاڭدىلىق پەن قۇقىقتىق ءتارتىپتى نىعايتۋ;

- اۆتوجولداردىڭ اقىلى ۋچاسكەلەرىن دامىتۋ;

- جالپى ەلدىڭ كولىك-ترانزيتتىك الەۋەتىن ارتتىرۋ سياقتى وڭ اسەرلەر بولۋى ءتيىس. 

اتالعان زاڭ جوباسى 2021 جىلدىڭ ءبىرىنشى جارتىجىلدىعىندا قابىلدانادى دەپ جوسپارلانىپ وتىر.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار