شىلدەنىڭ 5-نەن باستالعان رەيدتىك ءىس-شارالار بارىسىندا كۇنى بۇگىنگە دەيىن وبلىستا 1688 كارانتيندىك رەجىم تالاپتارىنىڭ بۇزىلۋى انىقتالدى, ونىڭ ىشىندە جەكە تۇلعالار – 1343, زاڭدى تۇلعالار – 325, اتاپ ايتقاندا, كافە, رەستوران, بۋكمەكەرلىك كەڭسەلەر, تۇنگى كلۋبتارعا قاتىستى – 46 دەرەك, ساۋنا, سۇلۋلىق سالوندارىنا قاتىستى – بەس, وتباسىلىق جيىندار – 35, دۇكەن, ساۋدا ورىندارىنا قاتىستى – 154, بەتپەردەلەرگە قاتىستى – 196.
كارانتين رەجىمىن بۇزۋ دەرەگىنىڭ مىڭعا جۋىعى اتىراۋ قالاسىندا تىركەلگەن. مىسالى, 12 تامىز تۇنگى ساعات 03.30 شاماسىندا سىدىقوۆ كوشەسىندەگى مەيرامحانادا تۋعان كۇن تويلانعان. 14 تامىز كۇنى قالاداعى گۋماروۆ كوشەسىندەگى كافەنىڭ جۇمىس جاساپ, ادامداردى قابىلداعانى انىقتالدى. بۇل كۇنى ازاتتىق داڭعىلى بويىنداعى "گۇلدەر" دۇكەنى جۇمىس جاساپ تۇرعان, 14 تامىز قۇلسارى قالاسىندا ساعات 22.00 شاماسىندا ازىق-ت ۇلىك دۇكەنى شەكتەلگەن ۋاقىتتان تىس ساۋدا-ساتتىق جاساعان.
قىزىلقوعا اۋدانىنىڭ ميالى اۋىلىنىڭ تۇرعىنى كارانتين رەجيمىنە قاراماستان, مەكەن جايىندا 40 اداممەن ۇلىنىڭ ۇيلەنۋ تويىن جاساعان. كارانتين رەجىمىن بۇزعانى ءۇشىن ءۇي يەسىنە ءتيىستى قۇجاتتار جيناقتالىپ, قىزىلقوعا اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ بولىمىنە جولداندى.
15 تامىز بەيبارىس داڭعىلىندا ورنالاسكان كوتتەدجدە 10-13 ادام جينالىپ تۋعان كۇن تويلاعان. اتىراۋ وبلىسى باس مەملەكەتتىك سانيتارلىق دارىگەرىنىڭ قاۋلىسىندا كورسەتىلگەن كارانتين تالاپتارىن ورىنداماعاندارعا قاتىستى جيناقتالعان ءىس-قۇجاتتار ءتيىستى شەشىم قابىلداۋ ءۇشىن اتىراۋ قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.
اتىراۋ وبلىسىندا 17 تامىزدان باستاپ كارانتين رەجىمى جەڭىلدەتىلگەنمەن, شەكتەۋ شارالارى 31 تامىزعا دەيىن ۇزارتىلدى.
اتىراۋ وبلىسىنىڭ پوليتسەيلەرى ازاماتتاردان كارانتين رەجيمىنە بارىنشا تۇسىنىستىك تانىتىپ, ساقتىق شارالارىن ورىنداۋعا شاقىرادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
