قوعام • 20 تامىز، 2020

الماتىدا كوپبالالى انالاردى قولداۋ جانە جۇمىسقا ورنالاستىرۋ ماقساتىندا الەۋمەتتىك تىگىن تسەحى ىسكە قوسىلدى

60 رەت كورسەتىلدى

الماتى قالاسى، المالى اۋدانىندا الەۋمەتتىك تىگىن تسەحى ءوز جۇمىسىن باستادى. بۇل الەۋمەتتىك جوبا "ىسكەر انا" باعدارلاماسى اياسىندا ىسكە قوسىلىپ، كوپبالالى انالارعا ارنالعان "باقىتتى وتباسى" ورتالىقتارىندا جۇزەگە اسىرىلۋدا، - دەپ حابارلايدى Egemen.kz.

"ىسكەر انا" باعدارلاماسى قالا باسشىسىنىڭ باستاماسىمەن، كوپبالالى جانە از قامتىلعان انالارعا ءتۇرلى ماسەلەلەردە قولداۋ جانە كومەك كورسەتۋ ماقساتىندا جۇمىسىن باستاعان.

المالى اۋدانى اكىمىنىڭ ورىنباسارى اينۇر بەكجانوۆانىڭ ايتۋىنشا، بۇگىنگى تاڭدا تسەحتا تىگۋ جانە ءپىشۋ كۋرستارىنان وتكەن 15 انا جۇمىس ىستەي باستادى. جوبا — بيزنەس نەگىزدەرىن دامىتۋعا، كوپبالالى انالاردى جۇمىسقا ورنالاستىرۋعا باعىتتالعان.
تسەحتا كوپبالالى انالار تىگىن ءىسىنىڭ تەحنيكاسى مەن تەحنولوگياسىن ۇيرەنەدى. سۇرانىستاعى تاۋارلاردى شىعارىپ، ونى نارىقتا قالاي ساتۋ كەرەكتىگىن ۇيرەتەتىن ماركەتينگتىڭ نەگىزدەرىن مەڭگەرەتىن بولادى.

"جوبانىڭ ماقساتى - انالاردى نارىق تالاپتارىنا باۋلۋ. تىگىن ءىسىن نەگىزگى ماماندىق ەتىپ، تابىس تابا الۋ. انالار تسەحتاعى جۇمىس كەستەسىن وزدەرىنە ىڭعايلى ەتىپ جاساپ الۋىنا بولادى. وسىلايشا ولار وتباسىنا ۋاقىت بولۋگە مۇمكىندىگى بولادى. مۇندا ولار تىگىن ءىسىن ودان ءارى دامىتىپ، جەتىلدىرىپ، نارىقتا سۇرانىسقا يە ءونىم شىعارا الادى"، - دەدى ول.

سونىمەن قاتار، ول ايەلدەر ءۇشىن باستى ماقسات — جيناقتالعان تاجىريبەنى قولدانا وتىرىپ، ءوز ءىسىن اشۋعا جانە دامىتۋعا مۇمكىندىك بار ەكەنىن اتاپ ءوتتى.

"تسەحتا "باستاۋ" كاسىپكەرلىكتى دامىتۋ جوباسى اياسىندا مەملەكەتتەن 500 مىڭ تەڭگە كولەمىندە گرانت العان ايەلدەر دە جۇمىس ىستەيدى. توتەنشە جاعدايعا بايلانىستى ولار ءوز ءىسىن اشا المادى. سوندىقتان ولار قازىر وسىندا جۇمىس ىستەپ، بيزنەس قۇرۋدى ۇيرەنۋدە"، - دەدى ا.بەكجانوۆا.

"جىبەك-جولى" بو عيماراتى تىگىن تسەحىنا قايتا جابدىقتالدى. ونى اۋداننىڭ كاسىپورىندارى مەن ۇيىمدارى الەۋمەتتىك جاۋاپكەرشىلىكتى وزدەرىنە الا وتىرىپ، دەمەۋشىلىك جاساپ، تەگىن جابدىقتاپ بەردى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.


سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار