"ەۋرازيالىق ەكونوميكالىق وداق شەڭبەرىندە دە ساۋدالاسۋ كولەمى 10 پروتسەنتكە ءتۇستى. وسى ورايدا كاسىپكەرلەرگە جاڭا نارىقتارعا شىعۋ ءۇشىن قولداۋ كورسەتىلەدى. ماسەلەن, جاقىندا 40 ازىق-ت ۇلىك ءوندىرۋشىسى قىتاي ەلىنە ءوز ونىمدەرىن جىبەرەدى. سۇلتانوۆ 2025 جىلعا دەيىن تاعى 600 كاسىپورىن وسى تىزىمگە ەنەدى", دەپ اتاپ ءوتتى ب.سۇلتانوۆ.
باقىت سۇلتانوۆتىڭ ايتۋىنشا, ۆەدومستۆو ونىمدەردى سەرتيفيكاتتاۋ جۇيەسىن ەنگىزدى. ناتيجەسىندە, وتاندىق ەكسپورتتاۋشىلار تاۋاردىڭ قازاقستاندا جاسالعانىن جارتى جىلدا ءبىر رەت راستاسا جەتكىلىكتى بولادى. مينيسترلىك ەكسپورتتىق قارجىلاندىرۋ بويىنشا پروتسەنتتىك مولشەرلەمەنى سۋبسيديالاۋدى قولعا الدى. مۇنداي شەشىم قۇنى 300 ميلليارد تەڭگەنى قۇرايتىن ءونىمدى جەتكىزۋگە مۇمكىندىك بەرەتىنىن مالىمدەدى.
"ساۋداسىن ەلەكتروندى فورماتتا جۇرگىزەتىن بيزنەسمەندەر دە نازاردان تىس قالمايدى. كەيبىر كومپانيا تابىس سالىعىنان بوساتىلماق. سونىمەن قاتار قازىر بانكارالىق اۋدارىمداردىڭ كوميسسياسىن تومەندەتۋ ماسەلەسى قاراستىرىلىپ جاتىر. ايتا كەتەيىك, قازىر ەلدە 13 وتاندىق تسيفرلىق ساۋدا الاڭى بار. جىل سوڭىنا دەيىن ەلەكتروندى ساۋدا كولەمى 900 ميلليارد تەڭگەنى قۇرايدى. ال 2022 جىلى بۇل كورسەتكىش 2 تريلليونعا دەيىن ارتۋى ءتيىس. 4 جىلدان كەيىن ساۋدالاسۋدىڭ بۇل ءتۇرى جالپى نارىقتىڭ 15 پروتسەنتىن قامتيدى دەگەن بولجام بار", دەيدى ساۋدا جانە ينتەگراتسيا ءمينيسترى ب.سۇلتانوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
