"تۇتىنۋشىلاردىڭ وزدەرىنىڭ كومەگىمەن عانا ساپاسىز ىشكى ءوندىرىس پەن ساپاسىز قىزمەت كورسەتۋگە تىيىم سالۋعا بولادى. قازاقستاندا 18 ميلليون تۇتىنۋشى بار. وسى 18 ميلليون تاۋارلار مەن قىزمەتتەردىڭ ساپاسىن تالاپ ەتەتىن باقىلاۋشى", - دەپ مالىمدەدى ساۋدا جانە ينتەگراتسيا ءمينيسترى باقىت سۇلتانوۆ حالىق الدىنداعى ەسەپتىك كەزدەسۋى بارىسىندا.
مينيستر زاڭناماعا ەنگىزىلگەن سوڭعى وزگەرىستەر نارىقتاعى تاۋارلار مەن كورسەتىلەتىن قىزمەتتەردىڭ ساپاسىن قوعامدىق باقىلاۋ قۇرالدارىن كەڭەيتىپ قانا قويعان جوق, سونداي-اق, تۇتىنۋشىلاردىڭ قۇقىقتارىن قورعاۋدىڭ تولىققاندى ۇلتتىق جۇيەسىن قۇرۋعا جول اشتى دەپ حابارلادى.
ء"بىز شاعىمداردى قاراۋدىڭ ءۇش ساتىلى جۇيەسىن ەنگىزدىك جانە ء"بىر تەرەزە" قاعيداتى بويىنشا شاعىمداردى قابىلداۋدىڭ بىرىڭعاي اقپاراتتىق جۇيەسىن قۇرۋ بويىنشا جۇمىس ىستەۋدەمىز", - دەپ ناقتىلادى مينيستر.
ب.سۇلتانوۆتىڭ ايتۋىنشا, شاعىمداردى قابىلداۋدىڭ بىرىڭعاي اقپاراتتىق جۇيەسى, سونداي-اق قۇرىلىپ جاتقان ۆەدومستۆوارالىق كەڭەس تۇتىنۋشىلاردىڭ قۇقىقتارىن قورعاۋ جونىندەگى بارلىق شارالاردى ءبىر جەردە شوعىرلاندىرۋعا جانە مەملەكەتتىك ورگاندارمەن قابىلدانىپ جاتقان شەشىمدەردىڭ تيىمدىلىگىنە ءتيىستى باقىلاۋ جۇرگىزۋدى قامتاماسىز ەتۋگە مۇمكىندىك بەرەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
