ءمينيستردىڭ ايتۋىنشا, ۇتج فەرمەرلەردى, ساتىپ الۋشىلاردى, تاسىمالداۋشىلاردى, دەلدالدار مەن رەتەيلەرلەردى بىرىڭعاي كلاستەرگە بىرىكتىرەدى.
ساۋدا جانە ينتەگراتسيا مينيسترلىگى 24 كوتەرمە-تاراتۋ ورتالىعى "تابيعي" نەگىزگى ۇتج بولاتىنىن حابارلادى. مينيستر ب.سۇلتانوۆتىڭ ايتۋىنشا, بىرىڭعاي تسيفرلىق جۇيەمەن بايلانىستاعى كتو وندىرۋشىدەن تۇتىنۋشىعا دەيىن ءونىم جەتكىزۋ تىزبەگىن وڭتايلاندىرۋعا مۇمكىندىك بەرەدى, ءونىمدى ساقتاۋ, ءتيىمدى ءبولۋ جانە وتكىزۋ ءۇشىن قاجەتتى جاعدايلار جاسايدى. تاۋار شىعىندارىن ازايتۋ فەرمەرلەرگە ونىمدىلىكتى ارتتىرۋعا قوسىمشا ينۆەستيتسيالاۋ مۇمكىندىگىن قامتاماسىز ەتەدى.
"بۇدان باسقا, جەكە ءوندىرۋشىنىڭ وتكىزۋ نارىقتارىنا جانە ساتۋ الدىنداعى ساۋدا ينفراقۇرىلىمىنا تولىق تىكەلەي قول جەتكىزۋى جەكە مەنشىك يەسىنىڭ دە, جالپى سالانىڭ دا كىرىستەرىن ارتتىرادى", - دەدى ب.سۇلتانوۆ.
ونىڭ ايتۋىنشا, ۇتج الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن 45% - عا دەيىن تومەندەۋىن قامتاماسىز ەتەدى.
"بۇل قازاقستاندىق تۇتىنۋشىلار ءۇشىن جىل سايىن شامامەن 60 ميلليارد ۇنەمدەيدى. ۇلتتىق تاۋار وتكىزۋ جۇيەسى باعانىڭ تۇراقتىلىعىن قامتاماسىز ەتەتىنى جانە ناۋرىز-ءساۋىر ايلارىندا كورگەنىمىزدەي, ماۋسىمدىق جانە اجيوتاجدى "تاپشىلىق" ۇردىستەردى بولدىرماۋعا مۇمكىندىك بەرەتىنى ماڭىزدى", - دەدى باقىت سۇلتانوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
