ازاماتتارعا ىڭعايلى بولۋ ءۇشىن دارىلەردىڭ شەكتى قۇنىن رەگلامەنتتەيتىن نورماتيۆتىك قۇقىقتىق اكتىگە جانە ۋاكىلەتتى ورگاننىڭ Call-ورتالىقتارىنىڭ نومىرلەرىنە سىلتەمەلەر QR-كودقا ورناتىلعان.
بۇل باستاما ءدارىحانالاردىڭ سۇرانىسقا يە ءدارى-دارمەكتەردىڭ باعاسىن كوتەرۋىنىڭ تەجەۋشى فاكتورى بولىپ تابىلادى. بۇعان دەيىن سىبايلاس جەمقورلىققا قارسى قىزمەت, ارنايى مونيتورينگتىك توپتار مەن "Adaldyq alańy" جوبالىق كەڭسەلەرىنىڭ وكىلدەرىمەن بىرلەسىپ 4500-گە جۋىق ءدارىحانا, 300 مەديتسينالىق بۇيىمدار قويماسى, 380 اۋرۋحانا مەن ەمحانانىڭ قىزمەتىنە مونيتورينگ جۇرگىزدى.
ناتيجەسىندە, نەگىزگى بولىگى ءدارى-دارمەكتەردىڭ باعاسىن نەگىزسىز كوتەرۋگە بايلانىستى 280-نەن استام بۇزۋشىلىق انىقتالدى. بارلىق انىقتالعان بۇزۋشىلىقتار بويىنشا ماتەريالدار تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە جىبەرىلدى. بۇدان بولەك, 66 اكىمشىلىك حاتتاما تولتىرىلدى. سالىنعان ايىپپۇل سوماسى – 10 ملن تەڭگە.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
