ماسەلەن, «Jas Otan» جاستار قاناتى الماتى وبلىستىق فيليالىنىڭ بەلسەندىلەرى تالدىقورعان قالاسىنداعى «اربات» دەمالىس الاڭىنا «العىس جاشىگىن» قويدى. مۇندا قالا تۇرعىندارى مەن قوناقتارى دارگەرلەرگە دەگەن لەبىزىن جانە وتىنىشتەرىن جازىپ قالدىرا الادى. ال «العىس جاشىگىنە» تۇسكەن العىس-تىلەك, ۇسىنىستارعا ساراپتاما جاسالىپ, ەلدىڭ تاڭداۋى ءتۇسىپ, ەڭ كوپ العىسقا يە بولعان دارىگەرلەردى ماراپاتتاۋ تۋرالى ۇسىنىس ايتىلماق. بۇل يدەيانى وبلىستىق دەنساۋلىق ساقتاۋ باسقارماسى دا قولداپ وتىر. وسىلايشا وبلىس جاستارى دارىگەرلەردىڭ مارتەبەسىن كوتەرۋگە ءوز ۇلەستەرىن قوسپاقشى.
"بۇل اكتسيا اپتا بويى جالعاسىپ, ەرىكتىلەر قالا تۇرعىندارىنىڭ پىكىرى مەن ۇسىنىسىن, العىسى مەن تىلەگىن جيناقتايدى. ناتيجەسىندە حالىق العىسىنا بولەنگەن ايتۋلى دارىگەرلەردىڭ ەڭبەگىن ىنتالاندىرۋ تۋرالى ءتيىستى ورىندارعا ۇسىنىس ەنگىزىپ, باستاما كوتەرمەكپىز. ال ارباتقا قويعان اكتسيا اياقتالعاسىن «العىس جاشىگىن» تالدىقورعان قالاسىنىڭ كوپ سالالى اۋرۋحاناسىنا سىيلايمىز. اۋرۋحاناعا كەلگەن ادامدار ءوز تىلەگىن قالدىرىپ, پىكىر-ۇسىنىس بەرەتىن ارانۋلى ورىن بولسا دەگەن ويمىز بار", - دەيدى «Jas Otan» جاستار قاناتى الماتى وبلىستىق فيليالىنىڭ جەتەكشىسى ەركەبۇلان اقبولاتوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
