"پرايمەريز پارتياىشىلىك ىرىكتەۋدىڭ ۇلكەن تاريحي وقيعاسى ەكەنىن ءبارىمىز اڭعارىپ وتىرمىز. قوعامداعى وزىق ويلى, كوزقاراسى قالىپتاسقان, بايىپتى, ەلدىڭ تاعدىرىنا جانى اشيتىن ازاماتتاردى ىرىكتەۋ دەگەن بۇرىن سوڭدى بولماعان", - دەدى ءجۇرسىن ەرمان.
ونىڭ ايتۋىنشا پرايمەريزگە قاتىسۋشىلاردىڭ قاتارىندا ايتىس اقىندارى دا بار.
"ايتىس اقىندارى مەن جىرشى, تەرمەشىلەردىڭ حالىقارالىق وداعىنان 6-7 جىگىتىمىز وسى پرايمەريزگە قاتىسۋعا شەشىم قابىلداپ وتىر. ولار وسى ۋاقىتقا دەيىن حالىقتىڭ ءسوزىن سويلەپ, ء ۇنىن جەتكىزىپ جۇرگەن ازاماتتار. امانجول التاەۆ, مۇحتار نيازوۆ, ايبەك قاليەۆ, سەرىكزات دۇيسەنعازى, ايتباي جۇماعۇلوۆ سىندى جىگىتتەردىڭ قاي قايسىسى بولسا دا ەل الدىندا سويلەي الاتىن ازاماتتار. كەشەگى الاش ارىستارىنىڭ يدەياسى ولاردىڭ بويىنا ابدەن سىڭگەن. اسىرەسە جەردىڭ تاعدىرى, ەل تاعدىرى, ۇلتتىق سالت-داستۇرگە باسىمدىق بەرۋ دەگەن دۇنيەلەر ولاردىڭ قانىنا سىڭگەن قاسيەت. ەلدىڭ, حالىقتىڭ ءسوزىن سويلەر ازاماتتاردىڭ ورنىن تولتىرىپ وتىراتىن جىگىتتەرگە ءسات-ساپار تىلەيمىز. پرايمەريزدى حالىققا جاقىنداۋدىڭ ءبىر ءپىشىنى رەتىندە قابىلدايمىز. حالىقتىڭ ىشىندە ەل دەگەندە, جەر دەگەندە جۇگىرىپ قىزمەت ەتەتىن نەبىر اسىل ازاماتتار ءجۇر. پرايمەريز سولاردى تابۋعا, ىرىكتەۋگە كومەكتەسەدى", - دەدى ول.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
