"بۇل بەكەتتەردە پاترۋلدىك پوليتسيا باتالونىنىڭ قىزمەتكەرلەرى ەكى اۋىسىممەن جۇمىس ىستەيدى. ءبىر اۋىسىم ۋاقىتى – 12 ساعات. جىل باسىنان بەرى بۇل بەكەتتەر ارقىلى الاياقتىق, قۇجاتتار مەن بالالاردىڭ جوعالۋى تۋرالى 1500-دەن استام شاعىم قابىلداندى. كەزەكشى قىزمەتكەرلەر شاقىرتۋ جانە وزگە دە سەبەپپەن شىعىپ كەتكەن بولسا, ءمودۋلدى بەكەتتىڭ سىرتىندا دابىل نۇكتەسى بار. سول ارقىلى دابىل بەلگىسى «102» وپەراتورىنىڭ پۋلتىنە تۇسەدى", - دەيدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.
ەندى تاعى دا 24 ءمودۋلدى پوليتسيا بەكەتىن ورناتۋ كوزدەلىپ وتىر. اتىراۋ قالاسىنىڭ اۋماعىندا 15, جەتى اۋداننىڭ ورتالىعىندا 9 بەكەت ورناتىلادى. ال, جىلىوي مەن قۇرمانعازى اۋداندارىنىڭ ورتالىعىندا وسىنداي ەكى بەكەتتىڭ ەكەۋى بولادى.
ء"بىر ەرەكشەلىگى, بۇل بەكەتتەر قر ىشكى ىستەر مينيسترلىگىنىڭ بازاسىنا تىركەلگەن وسى زامانعى كومپيۋتەرمەن قامتىلادى. تۇرعىندار ءۇشىن قولايلى بولاتىن اشىق الاڭداردا ورناتىلاتىن ءمودۋلدى پوليتسيا بەكەتتەرى قۇقىق بۇزۋشىلىقتى تەز انىقتاۋعا, قوعامدىق ءتارتىپتى ساقتاۋعا ىقپال ەتەدى", - دەيدى پوليتسيا پولكوۆنيگى قامزا ۇمبەتقاليەۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
