پرەزيدەنت سوڭعى بەس جىل ىشىندە قىلمىستىق ىستەر بويىنشا زاڭدى تۇلعالارعا كەدەرگى كەلتىرگەنى ءۇشىن 11 ادام, رەيدەرلىك ىستەر بويىنشا - 7 ادام سوتتالعانىن ايتتى.
"بۇل ساندار بيزنەستى قورعاۋدىڭ قۇقىق قورعاۋ بويىنشا تەتىكتەرى قۇلدىراپ بارا جاتقانىن كورسەتەدى.سونىمەن بىرگە, مەن بىلتىرعى جولداۋىمدا زاڭدى كاسىپكەرلىككە كەدەرگى جاساۋ - مەملەكەتتىڭ اۋىر قىلمىسى دەپ ايتقان بولاتىنمىن. مۇنى بارلىق قۇقىق قورعاۋ ورگاندارى, سونىڭ ىشىندە باس پروكۋراتۋرا دا ەستە ساقتاۋى كەرەك", - دەدى قاسىم-جومارت توقاەۆ.
ۇكىمەتكە باس پروكۋراتۋرامەن بىرگە ءبىر اي ىشىندە كوتەرىلگەن بارلىق ماسەلەلەر بويىنشا ناقتى ۇسىنىستار ەنگىزۋ تاپسىرىلعانىن اتاپ وتكەن مەملەكەت باسشىسى بۇل سالادا بەلگىلى ءبىر وڭ ۇردىستەر بار ەكەنىن دە جاسىرمادى.
ء"بىز ەنگىزگەن سىبايلاس جەمقورلىققا قارسى قولداۋ ينستيتۋتى العاشقى جەمىسىن بەرۋدە. تەك وسى جىلدىڭ ءبىرىنشى جارتىجىلدىعىندا 510 بيزنەس-جوبا بويىنشا 114 زاڭسىز ارالاسۋ فاكتىسى انىقتالدى. بۇل جۇمىستى جالعاستىرۋ قاجەت. باس پروكۋراتۋرا كاسىپكەرلەردى قىلمىستىق قۋدالاۋ وربيتاسىنا نەگىزسىز تارتۋ فاكتىلەرىن دەرەۋ بولدىرماۋعا مىندەتتى. كاسىپكەرلەر مەن ينۆەستورلار سىبايلاس جەمقورلىق قىسىمىنان قورعانىس بارىن سەزىنۋى كەرەك", دەدى پرەزيدەنت.
