"سىبايلاس جەمقورلىققا قارسى كۇرەس – ەلىمىزدىڭ ستراتەگيالىق دامۋىنداعى نەگىزگى باسىمدىقتاردىڭ ءبىرى. بۇل – مەنىڭ بەرىك ۇستانىمىم جانە سايلاۋالدى باعدارلامادا حالىققا بەرگەن ۋادەم. وسى جۇمىستا ەشقانداي كوزبوياۋشىلىققا, "بارماق باستى, كوز قىستى" ارەكەتتەرگە جول بەرىلمەۋگە ءتيىس. تالاپ قاتاڭ بولادى. بىلتىرعى جيىندا ءبىز ناقتى ءىس-قيمىل جوسپارىن ايقىندادىق. بۇگىندە بىرقاتار ماقساتتى جۇزەگە اسىردىق", - دەدى مەملەكەت باسشىسى.
وسى ورايدا پرەزيدەنت قازاقستان بەدەلدى حالىقارالىق گرەكو ۇيىمىنا, ياعني سىبايلاس جەمقورلىققا قارسى مەملەكەتتەر توبىنا مۇشە بولعانىن ەسكە سالدى.
"نورماتيۆتىك اكتىلەردى سىبايلاس جەمقورلىققا قارسى ساراپتامادان وتكىزۋ ينستيتۋتىنىڭ جۇمىسى جاڭعىردى. قول استىنداعىلاردىڭ جەمقورلىق ارەكەتتەرى ءۇشىن باسشىلارىن قىزمەتىنەن بوساتۋ قاعيداتى ەنگىزىلدى. مەملەكەتىمىزدىڭ وسى باعىتتا قولعا العان شارالارىن بەلگىلى حالىقارالىق اگەنتتىكتەر اتاپ وتۋدە. دەگەنمەن, ءبىز بۇعان توقمەيىلسىپ وتىرا بەرمەۋىمىز كەرەك. سىبايلاس جەمقورلىق جاعدايلارىنىڭ سانى ءالى دە ازايماي تۇر. وتكەن جىلمەن سالىستىرعاندا جەمقورلىق ارەكەتتەرى ءۇشىن جاۋاپقا تارتىلعان ادامداردىڭ سانى 11 پايىزعا ارتقان. اشىعىن ايتقاندا, قازىر كۇندەلىكتى جاڭالىقتاردان ءتۇرلى دەڭگەيدەگى شەنەۋنىكتەردىڭ سىبايلاس جەمقورلىققا بايلانىستى زاڭ بۇزۋشىلىقتارى ءۇشىن ۇستالىپ جاتقانى تۋرالى وقيتىن بولدىق", - دەدى قاسىم-جومارت توقاەۆ.
