دەنساۋلىق ساقتاۋ مينيسترلىگى قازاقستانداعى دارىلىك زاتتاردىڭ بولشەك ساۋدا نارىعىن قولداۋ ءۇشىن بىرقاتار كەشەندى شارالار قابىلدادى. ونىڭ ىشىندە, 11 ۇشاق ارقىلى شەت ەلدەردەن 9,2 ملن-نان استام قاپتاما (50 اتاۋ) سۇرانىسقا يە دارىلىك زاتتار جەتكىزىلدى. اتالعان پرەپاراتتار قازاقستاننىڭ بارلىق وبلىستارى اراسىندا بىركەلكى ءبولىندى, جەرگىلىكتى اتقارۋشى ورگاندار وڭىرلەرگە ۋاقتىلى جەتكىزىلۋىن قامتاماسىز ەتتى.
بۇدان باسقا, ءار وبلىستىڭ جانە رەسپۋبليكالىق ماڭىزى بار قالالاردىڭ اكىمدىكتەرى ازاماتتاردىڭ ءدارى-دارمەكتەرگە دەگەن قاجەتتىلىگىن ۇزدىكسىز قامتاماسىز ەتۋ ءۇشىن جەرگىلىكتى تۇراقتاندىرۋ قورلارىن ۇيىمداستىردى. قوسىمشا, جەرگىلىكتى بيۋدجەتتەر قارجىسىنا 10 ملرد. تەڭگەدەن استام سوماعا سۇرانىسقا يە دارىلىك زاتتاردى ساتىپ الۋ جۇزەگە اسىرىلۋدا.
سونىمەن قاتار دەنساۋلىق ساقتاۋ مينيسترلىگى ەلىمىزدىڭ اۋماعىنا دارىلىك زاتتاردى جەتكىزۋ ءراسىمىن جەڭىلدەتتى. اتاپ ايتقاندا, رۇقسات بەرۋ قۇجاتتارىن بەرۋ مەرزىمى 1 ء(بىر) تاۋلىككە دەيىن قىسقارتىلدى, ءونىمنىڭ قاۋىپسىزدىگى مەن ساپاسىن باعالاۋ (سەرتيفيكاتتاۋ) تەك دەكلاراتسيالاۋ ارقىلى جانە ءوتىنىم قابىلدانعان كۇننەن باستاپ 3 جۇمىس كۇنىنەن اسپايتىن مەرزىمدە جۇرگىزىلەدى.
اعىمداعى جىلعى 11 شىلدەدەن باستاپ 12 تامىز ارالىعىندا دەنساۋلىق ساقتاۋ مينيسترلىگى دارىلىك زاتتار مەن مەديتسينالىق بۇيىمداردىڭ 562 اتاۋىن اكەلۋگە 610 رۇقسات بەردى.
سونداي-اق 2020 جىلعى 1 شىلدەدەن باستاپ 12 تامىز ارالىعىندا مينيسترلىك 8,0 ملن قاپتامادان استام دارىلىك زاتتاردىڭ 49 ساۋدا اتاۋىنا قاۋىپسىزدىگى مەن ساپاسى تۋرالى 392 قورىتىندى بەردى.
بولشەك ساۋدا جەلىسى مەن اۋرۋحانالاردىڭ قاجەتتىلىكتەرىن قاناعاتتاندىرۋ ءۇشىن وتاندىق فارماتسەۆتيكالىق وندىرۋشىلەر انتيبيوتيكتەر ءوندىرىسىنىڭ ايلىق كولەمىن ۇلعايتتى. مىسالى, ءازيتروميتسيندى ءوندىرۋ ايىنا 300 مىڭ قاپتاماعا دەيىن جەتكىزىلدى, ال لەۆوفلوكساتسين (500 مگ) ايىنا 100 مىڭ قاپتاماعا دەيىنگى كولەمدە شىعارىلادى.
جالپى العاندا وتاندىق وندىرۋشىلەر اعىمداعى جىلدىڭ شىلدە ايىندا رەسپۋبليكا نارىعىنا سۇرانىسقا يە دارىلىك زاتتاردىڭ 600 مىڭنان استام قاپتاماسىن جەتكىزدى.
بۇدان باسقا, دارىلىك زاتتاردىڭ تاپشىلىعى بايقالعان جاعدايدا بىرىڭعاي ديستريبيۋتور سك «فارماتسيا» تاراپىنان دارىلىك زاتتار نارىعىندا ينتەرۆەنتسيا جۇرگىزىلەتىن بولادى.
دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق دەپارتامەنتتەرى كۇندەلىكتى نەگىزدە سۇرانىسقا يە دارىلىك زاتتاردىڭ 21 اتاۋى بويىنشا مونيتورينگتى جۇزەگە اسىرادى.
قازىرگى ۋاقىتتا مونيتورينگ قورىتىندىسى بويىنشا ەلىمىزدىڭ كوتەرمە ساۋدا قويمالارى مەن ءدارىحانالارىندا دارىلىك زاتتار قورىنىڭ تۇراقتى ءوسۋى بايقالادى. اعىمداعى جىلدىڭ شىلدە ايىمەن سالىستىرعاندا ىستىقتى تۇسىرەتىن, انتيبيوتيكتەردىڭ, ۆيرۋسقا قارسى پرەپاراتتار مەن انتيكوۋگۋليانتتاردىڭ قورى 100%-دان استام ءوستى, ال كەيبىر پوزيتسيالار بويىنشا ءوسىم 5 ەسەدەن استامدى قۇرايدى. اتاپ ايتقاندا, پاراتسەتامول قورى 2,5 ەسە, تسەفترياكسون قورى 5 ەسەدەن استام ءوستى.
دەنساۋلىق ساقتاۋ مينيسترلىگى قازاقستاننىڭ حالقى ءۇشىن دارىلىك زاتتاردىڭ ۇزدىكسىز جانە قولجەتىمدى بولۋىن قامتاماسىز ەتۋ بويىنشا تۇراقتى نەگىزدە جۇمىس جۇرگىزۋدە.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
