ەلوردا • 18 تامىز، 2020

ەلوردادا زاڭسىز كارىز سالدارىنان كوللەكتورلار جۇكتەمەسى ارتقان

137 رەت كورسەتىلدى

ەلورداداعى كوللەكتورلار جەكە تۇرعىن ۇيلەردىڭ نوسەرلىك كارىز جۇيەسىنە زاڭسىز جالعانۋىنان قوقىسقا تولعان. بۇل تۋرالى اكىمدىكتىڭ رەسمي سايتىنا سىلتەمە جاساي وتىرىپ Egemen.kz حابارلايدى.

قالانىڭ نوسەر كارىزدەرىن تولىق تەكسەرۋ كەزىندە كوللەكتورلارعا 60-تان 100%-عا دەيىن قوقىس تولعانى انىقتالدى. سول سەبەپتى قاتتى جاڭبىر كەزىندە سۋ قۇبىرلاردان وتپەيدى.

"تەكسەرۋ بارىسىندا زاڭسىز جالعانعان فاكتىلەر ءجيى كەزدەسەتىنى انىقتالدى: جەكە تۇرعىن ۇيلەردىڭ، كەڭسەلەردىڭ جانە باسقا دا قۇرىلىس يەلەرى كارىزدى ءوز نىساندارىنان نوسەر جۇيەسىنە جالعاپ شىعارعان. اعىندى سۋلاردى، تۇرمىستىق قالدىقتاردى، قۇرىلىس قوقىستارىن، جۋعىش زاتتار مەن باسقا قوقىستاردى رۇقساتسىز توگۋ نوسەر كارىزى مەن تازارتۋ قوندىرعىلارىنىڭ جۇمىسىنا سالماق تۇسىرەدى، سوندىقتان سورعىلار ۇنەمى بىتەلىپ قالادى"، دەپ ءتۇسىندىردى ۇيىم وكىلدەرى.

بۇل ماسەلەنى شەشۋ ءۇشىن كوممۋنالدىق كاسىپورىن نوسەر كارىزىنىڭ بارلىق جۇيەسىندە جينالعان قۇمنان، تۇنبادان جانە باسقا دا قوقىستاردان تازارتىپ، اۋقىمدى جۇمىس جۇرگىزۋدە. قازىرگى ۋاقىتتا تازارتۋ جۇمىستارى قالانىڭ بارلىق اۋداندارىندا جۇرۋدە. 150 توننادان استام قوقىس پەن بالشىق شىعارىلعان.

نوسەرلىك تازارتۋ قوندىرعىلارى جاڭبىر، ەرىگەن جانە جەر استى سۋلارىن بۇرۋعا ارنالعان. ولاردىڭ ارنايى سۇزگىلەرى وسى سۋلاردى تازارتىپ، وڭدەيدى، بىراق تۇرمىستىق قالدىقتاردى وتكىزە المايدى. وڭتۇستىك-شىعىس تۇرعىن الابىنداعى ۇيلەر، اگروقالاشىق، كوكتال، "ارتەم" بازارى اۋدانى جانە باسقا دا جەكە سەكتورلار ءوز بەتىنشە نوسەر كارىزىنە قوسىمشا بايلام جالعاعان.

"Elorda Eco System قىزمەتكەرلەرى نۇر-سۇلتان قالاسى اكىمدىگىمەن جانە ەكولوگيالىق پوليتسيامەن بىرلەسىپ تۇراقتى تۇردە ونەركاسىپتىك، شارۋاشىلىق-تۇرمىستىق قالدىقتاردى قالالىق نوسەر كارىزىنە زاڭسىز توگۋ فاكتىلەرىن انىقتاۋ بويىنشا رەيدتەر جۇرگىزۋدە. بۇگىنگى كۇنى 762 جاڭبىر قۇدىعى تەكسەرىلدى. بۇل باعىتتاعى شارالار قالانىڭ بارلىق ءتورت اۋدانىندا جالعاسادى"، دەپ اتاپ ءوتتى كوممۋنالدىق كاسىپورىن وكىلدەرى.

رەيد بارىسىندا 40 زاڭ بۇزۋشىلىق دەرەگى انىقتالدى. "حان شاتىر" سوو اۋدانىندا جانە حۋسەين بەن تالال كوشەسىندە نوسەر كارىزى جەلىسىندە تازا ەمەس سۋدى اعىزۋدىڭ ەكى جاعدايى تىركەلدى. سونداي-اق ايىپپۇل سالىنعانداردىڭ ءبىرى ەكىنشى رەت زاڭ بۇزعان جاعداي تىركەلدى. اتالعان فاكتى بويىنشا تەكسەرۋ جۇرگىزىلۋدە.

بارلىق ءتارتىپ بۇزۋشىلار اكىمشىلىك جاۋاپكەرشىلىككە تارتىلىپ، جالپى سوماسى 222 240 تەڭگە ايىپپۇل سالىندى. ەلوردانىڭ ءتورت تۇرعىنى ەسكەرتۋ الدى.

نوسەر كارىزىنە رۇقساتسىز بايلامدار جالعانۋ بويىنشا زاڭ بۇزۋشىلىق راستالعان كەزدە، مەنشىك يەسى انىقتالادى. كەيىننەن وعان سۋ بۇرۋ جۇيەسىن سايكەستىككە كەلتىرۋ قاجەتى تۋرالى حابارلاما جىبەرىلەدى. بەلگىلەنگەن فاكتى جويىلماعان جاعدايدا، ەكولوگيالىق پوليتسيامەن بىرگە جاۋاپكەرشىلىككە تارتۋ بويىنشا زاڭدى شارالار قولدانىلادى. قۇقىق بۇزۋشىلارعا «اكىمشىلىك قۇقىق بۇزۋشىلىق تۋرالى» قر كودەكسىنە سايكەس 20 اەك (55 560 تەڭگە) مولشەرىندە ايىپپۇل سالىنادى. زاڭدى تۇلعالار ءۇشىن جازا مولشەرى الدەقايدا جوعارى. ايتا كەتەيىك، قالانىڭ نوسەرلىك كارىز جۇيەسىنە 26 مىڭ جاڭبىر قۇدىعى، 354 كم كوللەكتور جانە 56 كم ارىق كىرەدى.

قالا كوشەلەرىن سۋ باسۋدى بولىرماۋ ءۇشىن 3 ءىرى نىسان كارىز جانە تازارتۋ قۇرىلىستارى جۇرگىزىلۋدە. اۋقىمدى جوبالاردىڭ ءبىرى – "مولودەجنىي" شاعىن اۋدانىندا (تاشەنوۆ جانە اممان كوشەلەرىنىڭ قيىلىسى) تازارتۋ قۇرىلىستارىن سالۋ. بۇل تاشەنوۆ، باراەۆ، ءۋاليحانوۆ، يمانباەۆ كوشەلەرى جانە رەسپۋبليكا داڭعىلىن سۋ باسۋىن بولدىرماۋعا مۇمكىندىك بەرەدى. جوبا 2021 جىلى تولىعىمەن اياقتالادى.

بيىل كۇزدە ب.مومىش ۇلىنىڭ پروبلەمالىق ۋچاسكەسىندە نوسەر كارىزىنىڭ ماگيسترالدى كوللەكتورىنىڭ قۇرىلىسى اياقتالادى (داۋىلپاز كوشەسىنەن ەليم-اي كوشەسىنە دەيىن). وسى جىلدىڭ سوڭىنا دەيىن تەلمان تۇرعىن الابىندا تازارتۋ قۇرىلىستارى مەن ماگيسترالدى كوللەكتوردىڭ قۇرىلىسى اياقتالادى. قۋاتتىلىعى تاۋلىگىنە 36 مىڭ تەكشە مەتردەن اسادى. جوبانى ىسكە اسىرۋ تەلمان تۇرعىن الابىن، № 27 كوشە بويىنداعى پەرسپەكتيۆالىق قۇرىلىس ايماعىن جانە ت. ب. قامتيتىن جەر ءۇستى اعىندارىن بۇرۋدى قامتاماسىز ەتۋگە مۇمكىندىك بەرەدى. 2019 جىلى مىڭجىلدىق اللەياسى اۋدانىنداعى ەكى ۋچاسكە بويىنشا نوسەر كارىزى ماسەلەسى شەشىلدى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار