ەلوردالىقتاردىڭ ۇشتەن ءبىرى سپورتپەن بەلسەندى اينالىسادى

سپورتتىق ۇيىرمەلەرگە ۇنەمى قاتىساتىن نۇر-سۇلتان تۇرعىندارىنىڭ سانى ارتىپ كەلەدى. بۇگىندە ەلوردالىقتاردىڭ ۇشتەن ءبىرى سپورتپەن بەلسەندى اينالىسادى.

"بۇگىندە ەلوردادا دەنە شىنىقتىرۋ, سپورت جانە دەنە شىنىقتىرۋ-ساۋىقتىرۋ باعىتىنداعى 564 ۇجىم جۇمىس ىستەيدى, 340 459 ادام جاتتىعۋ ساباقتارىنا ۇنەمى قاتىسادى, بۇل قالا تۇرعىندارىنىڭ جالپى سانىنىڭ 29,7% قۇرايدى", دەپ حابارلادى ەلوردانىڭ دەنە شىنىقتىرۋ جانە سپورت باسقارماسى.

ۇجىمداردىڭ نەگىزگى بولىگى سپورتتىق-ساۋىقتىرۋ كلۋبتارىندا, سونداي-اق ۇيىمدارداعى نەمەسە تۇرعىلىقتى جەرىندەگى سەكتسيالاردا.

سپورتشىلار سانىنىڭ ءوسۋى سالاۋاتتى ءومىر سالتىن ۇستانۋ تەندەنتسياسىنا, قالادا وتكىزىلەتىن سپورت, دەنە شىنىقتىرۋ-ساۋىقتىرۋ شارالارىنىڭ كوبەيۋىنە بايلانىستى ەكەنىن اتاپ ءوتتى باسقارما وكىلدەرى.

"وليمپيادالىق سپورت تۇرلەرىنىڭ ىشىندەگى ەڭ كوپ تاراعانى – باسكەتبول جانە ستريتبول, ۆولەيبول, فۋتبول, شايبالى حوككەي. كەلەسى سپورت تۇرلەرى دە تانىمال: دزيۋدو, دجيۋ-دجيتسۋ, بوكس, ۆەلوسپورت, ءجۇزۋ, شاحمات. كارانتين كەزىندە ادامدار كەلەسى اشىق سپورت تۇرلەرىمەن اينالىسا باستادى: جۇگىرۋ, ۆەلوسپورت, يوگا", دەپ ءتۇسىندىردى جەرگىلىكتى وكىلەتتى ورگان.

ايتا كەتۋ كەرەك, دەنە شىنىقتىرۋ جانە سپورت باسقارماسى ۇلتتىق سپورت تۇرلەرىنەن ونلاين جارىستار وتكىزدى. چەمپيونات Zoom باعدارلاماسى ارقىلى 14-16 تامىز ارالىعىندا ءوتتى. قاتىسۋشىلار اسىق اتۋ, بەس اسىق, لاڭگى سياقتى ويىنداردا باق سىنادى.

سونىمەن قاتار 15 تامىزدا بۇقارالىق سپورتتىق ءىس-شارالاردى وتكىزۋ ديرەكتسياسى "بالالار مەن جاسوسپىرىمدەر سپورت مەكتەبى, مۇگەدەك سپورتشىلارعا ارنالعان سپورت مەكتەبىمەن" بىرلەسە وتىرىپ اشىق ونلاين-شاحمات ءتۋرنيرىن ۇيىمداستىردى.

ەستەرىڭىزگە سالا كەتەيىك, 2004 جىلدان باستاپ تامىز ايىنىڭ ءار ءۇشىنشى جەكسەنبىسىندە قازاقستان رەسپۋبليكاسى پرەزيدەنتىنىڭ 2003 جىلعى 15 قاراشاداعى جارلىعىمەن بەكىتىلگەن سپورت كۇنى اتالىپ وتەدى. بيىل مەرەكە 16 تامىزعا سايكەس كەلدى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.