دارىگەرلەر كارانتيندى بىرتىندەپ الىپ تاستاۋ بوساڭسۋعا سەبەپ بولماۋى ءتيىس دەيدى. تويلار مەن بۇقارالىق ءىس-شارالاردى وتكىزۋگە ءالى دە تىيىم سالىنادى.
"دەنساۋلىعىمىزعا مۇقيات بولىپ, ورتاق جاۋاپكەرشىلىكتى سەزىنۋىمىز كەرەك. تەك بارلىق سانيتارلىق-پروفيلاكتيكالىق نورمالاردى ساقتاۋ ينفەكتسيانىڭ تارالۋىن بولدىرماۋعا مۇمكىندىك بەرەتىنىن ەستە ۇستاعان ءجون", دەيدى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۋراتوۆ.
بۇعان دەيىن ەلوردالىق جەدەل جاردەمگە COVID-19 بويىنشا قوڭىراۋلار 80 ەسە ازايعانى حابارلانعان بولاتىن (تاۋلىگىنە 500-دەن 6-عا دەيىن).
مساك ۇيىمدارىندا كۆي مەن پنەۆمونيادان زارداپ شەككەندەردى وڭالتۋدىڭ ءۇشىنشى كەزەڭى جۇرۋدە.
ناۋقاستار جاتتىعۋ تەراپياسى, ماسساج, فيزيوتەراپيا سياقتى قالپىنا كەلتىرۋ كومەگىنىڭ كولەمى مەن ۇزاقتىعىن انىقتايتىن رەابيليتولوگ-دارىگەردىڭ كەڭەسىن الادى.
قازىرگى ۋاقىتتا امبۋلاتوريالىق دەڭگەيدە مەديتسينالىق وڭالتۋ ءۇشىن, سونداي-اق اقپاراتتىق-كوممۋنيكاتسيالىق تەحنولوگيالار كومەگىمەن قاشىقتان مەديتسينالىق قىزمەتتەردى ۇسىنۋ ءۇشىن نورماتيۆتىك قۇقىقتىق اكتىلەر مەن ەمدەۋ حاتتامالارى جاسالۋدا. ناۋقاستارعا ارنالعان نۇسقاۋلىق جانە مەديتسينالىق قىزمەتكەرلەرگە تىنىس الۋدى قالپىنا كەلتىرۋ بويىنشا نۇسقاۋلىقتار جاسالعان جانە بەكىتىلگەن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
