سەنات دەپۋتاتتارى نۇرلان بەكنازاروۆ پەن ايگۇل قاپباروۆا شىمكەنت قالاسىنا بارىپ, سيتۋاتسيالىق شتابتا بولىپ, دەنساۋلىق ساقتاۋ ۆيتسە-ءمينيسترىنىڭ قاتىسۋىمەن وتكەن ايماقتاعى ەپيدەميولوگيالىق احۋال ماسەلەلەرى جونىندەگى كەڭەسكە قاتىستى.
شىمكەنتتە كۆي جۇقتىرۋدىڭ 5 مىڭنان استام جاعدايى تىركەلگەن. بىراق اۋرۋ دەڭگەيى تومەندەۋدە, بۇگىنگە دەيىن 4 285 پاتسيەنت ەمدەلىپ, ۇيلەرىنەورالدى. قالالىق دەنساۋلىق ساقتاۋ ماماندارى پنەۆمونيا تۋرالى مالىمەتتەردى دە حابارلادى: جىل باسىنان بەرى 15 300-دەن استام جاعداي تىركەلگەن, 11 620 ناۋقاس ساۋىعىپ شىققان. جەرگىلىكتى ستاتسيونارلار قازىرگى ۋاقىتتا تەك 16 پايىزعا عانا تولىق. اكىمدىك كوروناۆيرۋسپەن جانە پنەۆمونيامەن اۋىراتىن ناۋقاستاردى قابىلداۋ ءجانە ەمدەۋ ءۇشىن 3 مىڭعا جۋىق توسەك ورىن جاساقتاعان.
شتاب وتىرىسىندا سەناتورلار مەن دەنساۋلىق ساقتاۋ وكىلدەرى پاندەميامەن ودان ءارى كۇرەس شارالارىن تالقىلادى. قالالىق دەنساۋلىق ساقتاۋ ماماندارى ەپيدەميا قايتالانعان جاعدايدا شىمكەنتتىڭ بارلىق مەديتسينالىق مەكەمەلەرى ەكى ايلىق ءدارى-دارمەك قورىمەن قامتاماسىز ەتىلگەنىن ايتتى. سونىمەن قاتار, دارىگەرلەردىڭ بىلىكتىلىگىن ارتتىرۋ ماقساتىندا ارنايى سەمينارلار مەن باسقا دا پروفيلاكتيكالىق ءىس-شارالار وتكىزىلءىپ كەلەدى. قالا بويىنشا 211 ءموبيلدى بريگادا قۇرىلىپ, ولار قازىردىڭ وزىندە 22 مىڭنان استام ناۋقاسقا ۇيدە كومەك كورسەتءىپ ۇلگەرگەنىن ايتقان ءجون.
سەناتورلار جەرگىلىكتى اتقارۋشى ورگاندارعا سانيتارلىق تالاپتاردى ساقتاۋ جانە پاندەميامەن كۇرەستە الدىڭعى شەپتە جۇرگەن دارىگەرلەردى كوتەرمەلەۋ قاجەتتىلىگى تۋرالى ەسكە سالدى. دەپۋتاتتار دارىگەرلەرگە كوروناۆيرۋسپەن كۇرەستە تاباندىلىق پەن باتىلدىق تانىتقانى ءۇشىن العىس ءبىلدىردى. سونداي-اق, ساپار بارىسىندا سەناتورلار اۋرۋحانالارعا, دارىحانالارعا جانە جەدەل جاردەم ستانتسياسىنا باردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
