جازعى دەمالىس بالالاردىڭ تىنىعىپ, دەنساۋلىعىن نىعايتاتىن ۋاقىت. اتا-انالاردىڭ ءوز بالالارىن قاۋىپسىزدىك ەرەجەلەرىمەن تانىستىرىپ, بۇل قاعيدالاردى ۇستانۋىن قاداعالاۋ وتە ماڭىزدى. جازعى دەمالىس كەزىندە بالالاردىڭ جەكە باسىنىڭ قاۋىپسىزدىگىن قامتاماسىز ەتۋ ماقساتىندا جاز مەزگىلىنىڭ ءۇش ايىنا ۋچاسكەلىك پوليتسيا ينسپەكتورلارىمەن بىرلەسە يۋۆەنالدى پوليتسيا قىزمەتكەرى كەزەكشىلىككە ءبولىنىپ, قىزمەت اتقارىپ جاتىر.
جازعى دەمالىس ۋاقىتىندا بالالاردىڭ جەكە قاۋىپسىزدىگى, ونىڭ ىشىندە سۋعا شومىلۋ كەزىندەگى قاۋىپسىزدىك شارالارى اتا-انالاردىڭ نەمەسە ولاردى الماستىراتىن ادامداردىڭ ەرەكشە نازارىندا بولۋى قاجەت. بۇل ورايدا, پوليتسيا قىزمەتكەرلەرى بالالاردىڭ قاۋىپسىزدىك ماسەلەسىنە بەي-جاي قاراماي, ساقتىق شارالارىن قاتاڭ ساقتاۋعا شاقىرادى. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە بەلگىلەنبەگەن ورىنداردا سۋعا شومىلۋعا قاتاڭ تىيىم سالىنعان. وسىنداي دەرەكتەر انىقتالعان جاعدايدا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 364-بابىنا سايكەس اكىمشىلىك شارا كورىلەتىن بولادى.
