«جولاۋشىلار سانى سالونداعى ورىندىقتار سانىنا سايكەس بولۋى ءتيىس. بەتپەردە, سانيتارلىق, دەزينفەكتسيا رەجيمى ساقتالۋى كەرەك. جول ءجۇرۋ اقىسى كارتامەن تولەۋ ارقىلى جۇزەگە اسىرىلادى. كوندۋكتورلار جولاۋشىلار سانى مەن وتىرۋ ەرەجەلەرىن باقىلاۋى ءتيىس. سالون جولاۋشىلارعا تولى بولسا, اۆتوبۋس ايالدامالارعا تەك جولاۋشىلاردى ءتۇسىرۋ ءۇشىن توقتايدى. سالونعا ارتىق ادام المايدى.
ەگەر, سانيتارلىق رەجيم تولىقتاي ساقتالسا, 24 تامىزدا قالا ماڭىنداعى مارشرۋتتاردا جولاۋشى تاسىمالداۋ باستالادى. قالا تۇرعىندارى الەۋمەتتىك قاشىقتىقتى ساقتاپ, ماسكا تاعۋى, انتيسەپتيكالىق قۇرالداردى مىندەتتى تۇردە قولدانۋى ءتيىس» دەپ حابارلادى اتىراۋ قالالىق اكىمدىگىنىڭ ءباسپاسوز قىزمەتى.
كارانتين ەنگىزىلگەنگە دەيىن اتىراۋ قالاسىندا سەگىز اۆتوبۋس پاركى جولاۋشى تاسىمالداعان ەدى. اۆتبۋس پاركىندە 26 مارشرۋت قاتىنايتىن 160 اۆتوبۋس بار.
