LC Waikiki كومپانياسىنىڭ وكىلدەرىنىڭ ايتۋىنشا, سوڭعى كەزدە قازاقستاندا ۇلتتىق ناقىشتاعى كيىمدەرگە, قازاقتىڭ ويۋ-ورنەكتەرى بەينەلەنگەن جەيدەلەرگە سۇرانىس ارتقان. سونداي-اق ابايدىڭ قارا سوزدەرى مەن ۇلى ويشىلدىڭ سۋرەتى سالىنعان فۋتبولكالارعا دا قىزىعۋشىلىق جوعارى.
«2020 جىل قازاق حالقىنىڭ ۇلى اقىنى, فيلوسوفى, ءارى اعارتۋشىسى اباي قۇنانباي ۇلىنىڭ قۇرمەتىنە وراي «اباي جىلى» بولىپ جاريالاندى. LC Waikiki كومپانياسى رەتىندە وسىنداي ەرەكشە جىلدا حالىقتىڭ ساناسىن جاڭعىرتۋعا باعىتتالعان جوبالارعا ءبىز دە ءوز ۇلەسىمىزدى قوسقىمىز كەلدى. وسى ىسپەتتەس ءىس-شارالاردى ءاردايىم قولدايتىنىمىزدى اتاپ وتكىمىز كەلەدى, - دەدى «LC Waikiki Kazakhstan» كومپانياسىنىڭ باس ديرەكتورى سەردار باشاك.
«اباي 175» فۋتبولكالار كوللەكتسياسى LC Waikiki مەن «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ اراسىنداعى مەموراندۋمنىڭ ناتيجەسىندە جۇزەگە استى.
ابايدىڭ سۋرەتى بەينەلەنگەن فۋتبولكالاردى LC Waikiki ونلاين دۇكەنى ارقىلى تاپسىرىس بەرۋگە بولادى. سونداي-اق ساۋدا ورتالىقتارى اشىلعان سوڭ LC Waikiki جەلىسىنىڭ ەلىمىزدەگى بارلىق دۇكەندەرىندە ساتىلىمعا شىعادى.
ەستەرىڭىزگە سالا كەتەيىك, قازاقستاندىقتار تۇڭعىش رەت 10 تامىزدا اباي كۇنىن اتاپ وتكەن بولاتىن. پاندەمياعا بايلانىستى بارلىق شارالار ونلاين فورماتتا ءوتتى. دەگەنمەن بۇل حالىقتىڭ ۇلى ويشىلدىڭ اسىل ۇراسىنا قۇرمەت كورسەتىپ, ابايدىڭ قارا سوزدەرىنە جاڭاشا كوزقاراسپەن قاراۋىنا كەدەرگى بولا المادى.
