رەيد بارىسىندا 40 زاڭ بۇزۋشىلىق دەرەك انىقتالدى. «حان شاتىر» ساۋدا ويىن-ساۋىق ورتالىعى مەن كوشە بويىنداعى نوسەر كارىزى جەلىسىنە كارىزدى توگۋدىڭ 2 جاعدايى تىركەلدى. حۋسەين بەن تالال كوشەسىندە بىرنەشە رەت بۇزۋشىلىق دەرەكتەرى تىركەلدى. ناتيجەسىندە زاڭ بۇزۋشىلار اكىمشىلىك جاۋاپكەرشىلىككە تارتىلىپ, جالپى سوماسى 220 مىڭ تەڭگەدەن استام ايىپپۇل سالىندى.
اعىندى سۋلاردى, تۇرمىستىق قالدىقتاردى, قۇرىلىس قالدىقتارىن جانە باسقا دا قوسپالاردى رۇقساتسىز اعىزۋ سورعىلاردى بىتەپ تاستايدى. نوسەر سۋلارىن تازارتۋ قوندىرعىلارىنىڭ ارنايى سۇزگىلەرى تەك جاڭبىر, ەرىگەن جانە جەر استى سۋلارىنا ارنالعان, بىراق تۇرمىستىق جانە كارىز اعىندى سۋلارىن سورۋعا ارنالماعان. «Elorda Eco System» كوممۋنالدىق كاسىپورنىمەن بىرلەسىپ رەيدتەر تۇراقتى نەگىزدە جۇرگىزىلەدى.
قالا كوشەلەرىن سۋ باسۋدىڭ الدىن الۋ ءۇشىن نوسەر كارىزدەرى مەن تازارتۋ قوندىرعىلارىنىڭ 3 ۇلكەن قۇرىلىسى جۇرۋدە. ءىرى جوبالاردىڭ ءبىرى – جاستار شاعىن اۋدانىندا تازارتۋ قوندىرعىلارىنىڭ قۇرىلىسى (تاشەنوۆ پەن اممان كوشەلەرىنىڭ قيىلىسى). بۇل تاشەنوۆ, باراەۆ, ءۋاليحانوۆ, يمانباەۆ كوشەلەرى مەن رەسپۋبليكا داڭعىلىن سۋ باسۋدىڭ الدىن الادى. جوبا 2021 جىلى تولىعىمەن اياقتالادى.
الداعى كۇزدە ب.مومىش ۇلى كوشەسىنىڭ پروبلەمالىق ۋچاسكەسىندە باستى نوسەر كارىز كوللەكتورىنىڭ قۇرىلىسى اياقتالۋدا (داۋىلپاز كوشەسىنەن ەلىم-اي كوشەسىنە دەيىن).
وسى جىلدىڭ سوڭىنا دەيىن تەلمان تۇرعىن الابىندا تازارتۋ قوندىرعىلارى مەن باستى كوللەكتور سالۋ بويىنشا جۇمىستار اياقتالادى. سىيىمدىلىعى تاۋلىگىنە 36 مىڭ تەكشە مەتردەن اسادى. جوبانى ىسكە اسىرۋ تەلمان تۇرعىن الابىن, № 27 كوشە بويىنداعى پەرسپەكتيۆتى دامۋ ايماعى جانە ت.ب. جەر ءۇستى اعىندارىن تارتۋعا مۇمكىندىك بەرەدى.
2019 جىلى مىڭجىلدىق اللەياسى اۋدانىنداعى ەكى ۋچاسكەدە نوسەر كارىزدەرى ماسەلەسى شەشىلدى.
