ايماقتار • 14 تامىز، 2020

جامبىلدا سايگ ۇلىك مىنگەن پوليتسەيلەر ءبىراز قىلمىستىڭ جولىن كەستى

34 رەت كورسەتىلدى

قازاقستاندىق پوليتسيا بولىنىستەرىندە بىردە جولسىز جەرمەن، بىردە قيىن ءوتىمدى جانە وتۋگە بولمايتىن ۋچاسكەلەردى پاترۋلدەۋدە سايگ ۇلىككە سالت مىنگەن ءتارتىپ ساقشىلارى ءتيىمدى جۇمىستار اتقارۋدا. بۇل تۋرالى جامبىل وبلىستىق پوليتسيا دەپارتامەنتىنە سىلتەمە جاساي وتىرىپ Egemen.kz حابارلايدى.

جامبىل وبلىسىنىڭ پوليتسيا دەپارتامەنتىندە تاراز قالاسىنىڭ پوليتسيا باسقارماسى پاترۋلدىك پوليتسيا باتالونىنىڭ قۇرامىنا كىرەتىن ءوزىنىڭ اتتى  جاساعى بار. وندا ازىرگە 12 پوليتسەي قىزمەت اتقارادى، ولاردىڭ ارقايسىسىنىڭ قىزمەتتىك جىلقىلارى بار.

ء"بىزدىڭ پاترۋلدەۋ باعىتتارىمىز  نەگىزىنەن قالانىڭ اۆتوكولىك جۇرە المايتىن، ءوتۋى قيىن شەت ايماقتارى  بويىنشا وتەدى. بۇل قامىس باسقان وزەندەر مەن سۋ قويمالارىنىڭ جانىنداعى اۋماقتار، قاراۋسىز قالعان ساياجاي ماسسيۆتەرى نەمەسە قۇقىق بۇزۋشىلار ءجيى جاسىرىنىپ جۇرەتىن باسقا دا شالعاي اۋماقتىق ۋچاسكەلەر"، دەپ ءتۇسىندىردى تاراز قالاسى  پب پاترۋلدىك پوليتسيا باتالونىنىڭ كاۆالەريالىق بولىمشەسىنىڭ كومانديرى رافحات فايزراحمانوۆ.

ات ۇستىندەگى پوليتسەيلەردىڭ نەگىزگى مىندەتى-قۇقىققا قايشى قوعامدىق ارەكەتتەردىڭ الدىن الۋ  جانە جولىن كەسۋ. ايتا كەتەرلىگى، جامبىل وبلىسىنىڭ پد اتتى پوليتسياسى قىلمىس اشىلۋىنىڭ 100% كورسەتكىشىنە يە. بۇل ەلىمىزدىڭ باسقا وڭىرلەرىندەگى وسىنداي بولىنىستەردىڭ اراسىنداعى ەڭ ۇزدىك ناتيجە.

جىل باسىنان بەرى  ولاردىڭ  تاراپىنان 11  قىلمىس وقيعاسى اشىلدى، ونىڭ ىشىندە كىسى ءولتىرۋ، ۇرلىق، توناۋ، ەسىرتكى زاتتارىن قولدانعان ادامداردى ۇستاۋ، اتتى پوليتسەيلەر  3460 ادامدى جەكە باسىن انىقتاۋ ءۇشىن، 92 ازاماتتى اكىمشىلىك قۇقىق بۇزۋشىلىق  جاساعانى ءۇشىن پوليتسيا بولىمىنە جەتكىزدى. وسىنداي جۇمىستىڭ  ناتيجەسىندە  قىلمىس سانىن ازايتۋعا  قول جەتكىزىلدى.

ارينە، جاقسى كورسەتكىشتەر – پوليتسەيلەردىڭ عانا ەمەس، سونداي-اق بەلگىلى ءبىر دايىندىقتان ءوتىپ جاتقان ولاردىڭ ادال كومەكشىلەرىنىڭ دە ەڭبەگى. جىلقىلارعا ءتۇرلى دىبىستار مەن سيگنالداردان، كەز-كەلگەن تەحنيكادان، اۆتوكولىكتەردەن قورىقپاۋ، اشىق بۇقارالىق ءىس-شارالاردا كوپشىلىكتىڭ شۋىلىنان، ءارتۇرلى قۇرىلىس نىساندارى ارقىلى قوزعالۋ داعدىلارىن ۇيرەتەدى. اتتى پوليتسيانىڭ جىلقىلارى ۇزاق جىلدار بويى وتريادتا قىزمەت ەتۋدە. جىلقىلاردىڭ كۇتىمىنە، تازالىعىنا دا پوليتسيا قىزمەتكەرى جاۋاپ بەرەدى.

جۇمىسقا قابىلداۋ كەزىندە قىزمەتكەرلەر دە مىندەتتى تۇردە اتپەن سالت ءجۇرۋ داعدىلارىنا يە بولۋى كەرەك. جىل سايىنعى ايماقتىق اسكەري ويىندارعا قاتىسا وتىرىپ، جىلقىلار ءاردايىم لايىقتى ناتيجە كورسەتۋدە. ولاردىڭ ارقايسىسى مەكەمەنىڭ جانە جەرگىلىكتى اتقارۋشى ورگانداردىڭ ناگرادالارىمەن ماراپاتتالعان.

سوڭعى جاڭالىقتار

ۇقساس جاڭالىقتار