"موتوتسيكليستىڭ تىركەۋشىسىنە "لەكسۋس" كولىگىنىڭ جۇرگىزۋشىسى جول ەرەجەسىن ورەسكەل بۇزىپ, جولدا ءوزىن وتە ناشار ۇستاعان فاكتىلەرى تۇسىرىلگەن. ەگەر جولدا جاياۋ جۇرگىنشى نەمەسە كىشكەنتاي بالالار دا ءجۇرۋى مۇمكىن دەپ بولجاساق, بۇل قىلمىس. باقىتىمىزعا وراي, ەشتەڭە بولمادى. ءبىزدىڭ قىزمەتكەرلەر قىلمىسكەردى تەز انىقتادى. ول 1999 جىلى تۋعان ا.ەسىمدى ازامات. وعان قاتىستى 6 اكىمشىلىك حاتتاما تولتىرىلدى: قر اقبك-ءنىڭ 599 بابى 1 بولىگى بويىنشا 2-حاتتاما, قر اقبك-ءنىڭ 601 بابى 1 بولىگى بويىنشا 2 حاتتاما, قر اقبك-ءنىڭ 595 بابى 1 بولىگى بويىنشا 2 حاتتاما. سونىمەن قاتار, جۇرگىزۋشى 1.5.2.,جول ەرەجەسىن بۇزىپ, ۆەلوسيپەد جولىندا قوزعالىس جاساعانىن ەسكەرسەك, ونىڭ زاڭسىز ارەكەتتەرى اۋىر زارداپتارعا اكەلۋى مۇمكىن. باقىتىمىزعا وراي, بۇل ۋاقىتتا ۆەلوسيپەدشىلەردىڭ, ساموكاتشىلاردىڭ ەشقايسىسى ۆەلوسيپەد جولىمەن جۇرمەدى", دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باسشىسى, پوليتسيا پولكوۆنيگى ماناپ ساتتاروۆ.
