ايماقتار • 14 تامىز، 2020

الماتىدا بەينەباقىلاۋ كومەگىمەن 3 مىڭنان اسا قىلمىستىڭ بەتى اشىلدى

25 رەت كورسەتىلدى

بەينەباقىلاۋ جۇيەسىنىڭ كومەگىمەن الماتىدا جىل باسىنان بەرى 3 مىڭنان استام قىلمىستىڭ بەتى اشىلدى. بۇل تۋرالى الماتى قالالىق پوليتسيا دەپارتامەنتى حابارلايدى، دەپ جازادى Egemen.kz

جەدەل جاعدايدى باقىلاۋ، قوعامدىق ءتارتىپتى، جول قاۋىپسىزدىگىن قامتاماسىز ەتۋ، سونىمەن قاتار، الماتى قالاسىندا قۇقىق بۇزۋشىلىقتاردىڭ الدىن الۋ جانە اشۋ، قوعامدىق ورىنداردا، مەترودا، قالا جولدارىندا، تۇزەتۋ مەكەمەلەرىنىڭ جانىندا جانە ت.ب. ورناتىلعان بەينەباقىلاۋ كامەرالارىنىڭ مۇمكىندىكتەرى قولدانىلادى.

قالانىڭ ءتۇرلى نىساندارىندا 2 مىڭعا جۋىق بەينەكامەرا، ۋنيۆەرسيادا-2017 نىساندارىندا - 1 مىڭ 173 بەينەكامەرا ورناتىلدى.

سونىمەن قاتار، "جول قوزعالىسىنىڭ قاۋىپسىزدىگى" اۆتوماتتاندىرىلعان اقپاراتتىق جۇيەسىنىڭ جوباسى بويىنشا 105 پوست، ونىڭ ىشىندە 694 بەينەكامەرا پايدالانۋعا بەرىلدى. ءبىلىم بەرۋ نىساندارىندا 3962 بەينەباقىلاۋ كامەرالارى ورناتىلدى.

"قاۋىپسىز اۋلا" قاعيداتى بويىنشا كوپپاتەرلى تۇرعىن ۇيلەرگە 33 454، جەكە سەكتور كوشەلەرىنىڭ قيىلىسىندا 4210، جەكە تۇرعىن ۇيلەردىڭ اۋلالارىندا 33 014 بەينەكامەرالار ورناتىلعان.

سونداي-اق، ءار ءتۇرلى مەنشىك نىساندارىنداعى 6 مىڭ 766 نىساندا 43 مىڭ 847 بەينەكامەرالار ورناتىلدى.

سوڭعى جاڭالىقتار

ۇقساس جاڭالىقتار