سپورت • 14 تامىز، 2020

قفف پرەزيدەنتى فيفا ونلاين-كونفەرەنتسياسىنا قاتىستى

9 رەت كورسەتىلدى

قازاقستان فۋتبول فەدەراتسياسىنىڭ پرەزيدەنتى ادىلبەك جاقسىبەكوۆ فيفا جانە بىرقاتار ۇلتتىق قاۋىمداستىقتىڭ كەزدەسۋىنە قاتىستى. بۇل تۋرالى Egemen.kz قازاقستان فۋتبول فەدەراتسياسىنىڭ ءباسپاسوز قىزمەتىنە سىلتەمە جاساپ حابارلايدى.

فورۋمعا فيفا جەتەكشىلەرى، سونىمەن قاتار ازەربايجان، ارمەنيا، بەلارۋس، قازاقستان، مولدوۆا، رەسەي جانە ۋكراينا فۋتبول فەدەراتسيالارىنىڭ باسشىلارى قاتىستى.

فيفا پرەزيدەنتى دجانني ينفانتينو باسقارعان جيىن ونلاين-كونفەرەنتسيا تۇرىندە ۇيىمداستىرىلدى. حالىقارالىق فۋتبول قاۋىمداستىقتارى فەدەراتسياسىنىڭ باسشىسى دجانني ينفانتينو COVID-19 ىندەتىنىڭ الەم فۋتبولىنا تيگىزگەن اسەرى، سونىمەن قاتار فيفا-نىڭ احۋالدى تۇراقتاندىرۋ بويىنشا قابىلداعان شارالارى تۋرالى بايانداما جاسادى.

ۇلتتىق قاۋىمداستىقتاردىڭ پرەزيدەنتتەرى پاندەميانىڭ فۋتبولعا تيگىزگەن كەرى ىقپالىن ەڭسەرۋدىڭ شارالارىن ءتۇسىندىردى. قفف باسشىسى ادىلبەك جاقسىبەكوۆ كەزدەسۋگە قاتىسۋشىلاردى قازاق فۋتبولىنىڭ قازىرگى جاعدايىمەن، سونداي-اق ەلدەگى سانيتاريالىق-ەپيدەميولوگيالىق احۋالدىڭ ديناميكاسى جانە الەۋمەتتىك-ەكونوميكالىق جاعداي تۋرالى حاباردار ەتتى.

فيفا پرەزيدەنتى دجانني ينفانتينو فۋتبولدى قالپىنا كەلتىرۋ جولىندا جاسالعان قادامدار ءۇشىن قاتىسۋشىلارعا شەكسىز العىسىن ءبىلدىردى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار