25-35 جاس ارالىعىنداعى ادامدار كىرگەن بۇل توپ اسا ءىرى مولشەردە ەسىرتكى زاتتارىن تاسىمالداۋمەن جانە ساتۋمەن اينالىسقان. قىلمىستىق توپ ەسىرتكى زاتتارىن رەسپۋبليكانىڭ وڭتۇستىك وڭىرلەرىنەن الىپ كەلىپ, دەلدالدار ارقىلى نۇر-سۇلتان قالاسىندا ساتقانى انىقتالدى. وسىلايشا, ولار وسىمدىك تەكتەس ەسىرتكى قۇرالدارىن وتكىزۋ ارناسىن ۇيىمداستىرعان.
ۇستالعان كەزدە اتالعان توپتان ءتورت كەلىدەن استام ەسىرتكى زاتى تاركىلەندى. ساراپتاما قورىتىندىسىنا سايكەس, تاركىلەنگەن زاتتار “ماريحۋانا” بولىپ تابىلادى. تاركىلەنگەن زاتتاردىڭ قۇنى جەتى ميلليون تەڭگەدەن اسادى.
اتالعان فاكتى بويىنشا قر قك-ءنىڭ 297-بابىنىڭ 2-بولىگى بويىنشا (ەسىرتكى زاتتاردى جانە ولاردىڭ انالوگتارىن ءىرى مولشەردە زاڭسىز دايىنداۋ, وڭدەۋ, ساتىپ الۋ, ساقتاۋ, وتكىزۋ ماقساتىندا تاسىمالداۋ, جونەلتۋ نەمەسە وتكىزۋ) سوتقا دەيىنگى تەرگەۋ باستالدى.
"ۇستالعان كۇدىكتىلەر نۇر-سۇلتان قالاسى پد-ءنىڭ ۋاقىتشا ۇستاۋ يزولياتورىنا قامالدى", – دەدى ءىىم كريمينالدىق پوليتسيا دەپارتامەنتىنىڭ باستىعى دۋمان تاەۆ.
