قوعام • 13 تامىز، 2020

23 مىڭ الماتىلىق جۇمىسقا ورنالاستى

107 رەت كورسەتىلدى

جىل باسىنان بەرى "ەڭبەك" باعدارلاماسى بويىنشا 23 مىڭعا جۋىق الماتىلىق جۇمىسقا ورنالاسقان، دەپ حابارلايدى Egemen.kz

سونداي-اق 720 الماتىلىق جىل باسىنان بەرى تولەنەتىن جاستار پراكتيكاسىنا جىبەرىلگەن.

الماتى قالاسىنىڭ اكىمى باقىتجان ساعىنتاەۆ حالىقتى جۇمىسپەن قامتۋ، اتاپ ايتقاندا جاستاردى جۇمىسقا ورنالاستىرۋ ماسەلەلەرىن شەشۋگە ەرەكشە كوڭىل بولۋدە. وسى ماقساتتا الماتىدا حالىقتى جۇمىسپەن قامتۋ ورتالىعى جۇمىس ىستەيدى. سونداي-اق قالانىڭ 6 اۋدانىندا جاستار رەسۋرستىق ورتالىقتارى جۇمىس جاساپ جاتىر.

جالپى، جىل باسىنان بەرى الماتىدا "ەڭبەك" مەملەكەتتىك باعدارلاماسى بويىنشا 22 995 ادام تۇراقتى جۇمىس ورىندارىنا ورنالاستىرىلدى. ونىڭ ىشىندە ۋاقىتشا جۇمىس ورىندارىنا-13 691 ادام، الەۋمەتتىك جۇمىس ورىندارىنا - 1 087 ادام، قوعامدىق جۇمىستارعا - 11 276 ادام، جاستار تاجىريبەسىنە - 720 ادام جۇمىسپەن قامتاماسىز ەتىلدى.

سونىمەن قاتار، بۇگىنگى تاڭدا الماتى قالاسىندا 15 599 بوس جۇمىس ورنىنا 11 060 حابارلاندىرۋ بار. بوس ورىندار بويىنشا اقپاراتتى ەڭبەك بيرجاسىنىڭ www.enbek.kz. ەلەكتروندى پورتالىنان الۋعا بولادى.

 

جاستار پراكتيكاسى

بۇل ورتالىقتار - ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ "ەڭبەك" مەملەكەتتىك باعدارلاماسى شەڭبەرىندە اقىسى تولەنەتىن جاستار پراكتيكاسىنا تارتۋعا جاردەم كورسەتەدى. 

حالىقتى جۇمىسپەن قامتۋ ورتالىعىنىڭ مالىمەتىنشە، بۇگىنگى تاڭدا جاستار پراكتيكاسىنا 2020 جىلدىڭ باسىنان 720 ادام جىبەرىلگەن.

اتاپ وتكەنىمىزدەي، رەسۋرستىق ورتالىقتىڭ ءبىرى جەتىسۋ اۋدانىندا ورنالاسقان. الماتى قالاسى، جەتىسۋ اۋدانى اكىمىنىڭ ورىنباسارى باۋىرجان بىرباەۆتىڭ ايتۋىنشا، وقۋىن ەندى بىتىرگەن جاس مامان ءۇشىن جاستار پراكتيكاسىنان ءوتۋ-بۇل تاجىريبە الۋدىڭ تاماشا مۇمكىندىگى. 

"جاستار ءۇشىن ەڭ پايدالىسى - ولار 6 اي ىشىندە ءوز ماماندىعى بويىنشا جاقسى تاجىريبە الادى. ەگەر ول ءوزىنىڭ قابىلەتىن، ءبىلىمىن جاقسى كورسەتە السا، بولاشاقتا وعان سول جەردە قالۋ ۇسىنىسى ءتۇسۋى مۇمكىن"، - دەدى باۋىرجان بىرباەۆ.

ايتا كەتۋ كەرەك، جاستار پراكتيكاسىنا سوڭعى ءۇش جىل ىشىندە وقۋدى اياقتاعان، ديپلومى بار، 29 جاسقا دەيىنگى تۇلعالار قاتىسا الادى. 

"جاستار پراكتيكاسى نەگىزىنەن سوڭعى ءۇش جىل ىشىندە وقۋىن اياقتاعان، ديپلومى بار، ءتۇرلى مامان يەلەرىنە ارنالعان. جالاقى 69 مىڭ تەڭگەنى قۇرايدى. ءتيىستى اۋدارىمداردى ەسەپكە العاندا، 50 مىڭنان استام تەڭگە الادى"، - دەدى باۋىرجان بىرباەۆ. 

جاستار پراكتيكاسىنا قاتىسۋ ءۇشىن الدىمەن جۇمىس ىزدەۋشى رەتىندە تىركەلۋ قاجەت. مۇنداي تىركەۋدى تۇرعىلىقتى جەرى بويىنشا حالىقتى جۇمىسپەن قامتۋ ورتالىعىنان نەمەسە Egov پورتالى ارقىلى ونلاين رەجيمىندە الۋعا بولادى.

 "جاستار پراكتيكاسىنا ورتا ەسەپپەن 5 ادام كەلەدى. جۇمىسپەن قامتۋ جانە كەڭەس بەرۋ پروتسەسى، بارلىق قۇجات تۇگەل بولعان جاعدايدا 10-20 مينۋت ۋاقىتتى الادى. جاستار پراكتيكاسىنا قاتىسۋ ءۇشىن جەكە كۋالىك، ديپلومنىڭ كوشىرمەسى، بانكتەن شوت جانە قۇجات تىگەتىن پاپكا قاجەت"، - دەدى جۇمىسپەن قامتۋ ورتالىعىنىڭ جۇمىس ىزدەۋشىلەردى قولداۋ ءبولىمىنىڭ مامانى ايدانا باشين. 

قالا تۇرعىندارىنا ىڭعايلى بولۋ ءۇشىن جۇمىسپەن قامتۋ ورتالىعىنىڭ ماماندارى 6 اۋداندا تۇرعىنداردى قابىلدايدى:

- ناۋرىزباي اۋدانىنىڭ تۇرعىندارى ءۇشىن-ناۋرىزباي اۋدانى اكىمى اپپاراتىنىڭ عيماراتىندا، "شۇعىلا" ىقشاماۋدانى، 347 ءۇي، 2 قابات، 212 كابينەت;

- اۋەزوۆ اۋدانىنىڭ تۇرعىندارى ءۇشىن - اۋەزوۆ اۋدانى اكىمى اپپاراتىنىڭ عيماراتىندا، التىنسارين داڭعىلى، 23، 1 قابات، 103 كابينەت;

- الاتاۋ اۋدانىنىڭ تۇرعىندارى ءۇشىن- "Almaty Arena" عيماراتىندا، "نۇركەنت" ىقشاماۋدانى، 24 بلوك، "Qolday كاسىپكەرلىك ورتالىعى";

- بوستاندىق اۋدانىنىڭ تۇرعىندارى ءۇشىن-بوستاندىق اۋدانى اكىمى اپپاراتىنىڭ عيماراتىندا، ايمانوۆ كوشەسى، 191، 2 قابات، 216 كابينەت;

- جەتىسۋ اۋدانىنىڭ تۇرعىندارى ءۇشىن-جەتىسۋ اۋدانىنىڭ حقكو، "قۇلاگەر" شاعىن اۋدانى، سەرىكوۆ كوشەسى، 6 ا;

- تۇركسىب اۋدانىنىڭ تۇرعىندارى ءۇشىن - تۇركىسىب اۋدانى اكىمى اپپاراتىنىڭ عيماراتىندا، شولوحوۆ كوشەسى 9، 1 قابات، 108 كابينەت; 

"كوللەدجدى بىتىرە سالىسىمەن ماعان جۇمىسپەن قامتۋ ورتالىعىنان حابارلاسىپ، جاستار پراكتيكاسىنا شاقىردى. مەن "تۋريستىك اگەنت" ماماندىعى بويىنشا جۇمىس ىستەپ، ءتۋريزمدى دامىتقىم كەلەدى. بۇرىن باسقا جۇمىستار ىستەپ كورگەنمىن، الايدا ماماندىعىم بويىنشا ىستەمەدىم. مۇنداي رەسۋرستىق ورتالىقتاردىڭ بار بولعانى جاستارعا جاقسى. سەبەبى، ەندى وقۋدى بىتىرگەن جاس مامانعا جۇمىس ىزدەۋ، تابۋ قيىنعا سوعادى"،-دەدى حالىقارالىق قازاق-قىتاي ءتىل كوللەدجىنىڭ تۇلەگى التىندانا اسانوۆا.

 

قوعامدىق جۇمىستار

جاستار پراكتيكاسىنان باسقا، حالىقتىڭ قوعامدىق جۇمىستارعا دەگەن ۇلكەن سۇرانىسى ارتتى.

"قالا تۇرعىندارى مۇندا جۇمىس ىزدەپ ارنايى كەلەدى. ءبىز الەۋمەتتىك جەلىلەر، ءتۇرلى اقپاراتتىق رەسۋرستار، جەتىسۋ اۋدانى اكىمى اپپاراتىنىڭ رەسۋرستارى ارقىلى حاباردار ەتىپ وتىرامىز"، - دەدى باۋىرجان بىرباەۆ. 

قوعامدىق جۇمىستار قىزمەتكەردىڭ الدىن الا كاسىبي دايارلىعىن تالاپ ەتپەيدى جانە ول الەۋمەتتىك باعىتتا پايدالى بولىپ تابىلادى. قوعامدىق جۇمىستاردىڭ ۇزاقتىعى 12 ايدان اسپايدى. جالاقى مولشەرى 2 اەك (سالىقتار مەن الەۋمەتتىك اۋدارىمداردى ەسەپكە العاندا 85 000 تەڭگە) قۇرايدى. بۇل باعدارلاماعا 16 جاستان باستاپ، زەينەتكەرلىك جاسقا دەيىنگى ادامدار قاتىسا الادى. 

ء"بىز مۇندا اكەممەن كەلدىك. زەينەتكە شىققانعا دەيىن ءالى ۋاقىت بار، ال ول جۇمىسسىز. ءبىز egov-تا ءجيى وتىرامىز، اكەم جۇمىسسىز رەتىندە تىركەلگەن. ءبىزدى جۇمىسپەن قامتۋ ورتالىعى وسىندا شاقىردى. قانداي قۇجاتتار قاجەت ەكەنىن ايتتى. مەنىڭ اكەم ءبىرىنشى دارەجەلى جۇرگىزۋشى تاجىريبەسى بار. ول اۆتوبۋس پاركىنە جۇرگىزۋشى بولىپ ورنالاسۋدى قالايدى. ءبىز ءوز بەتىمىزشە جۇمىس تابۋعا تىرىستىق، بىراق ءبارى بەكەر"، - دەدى قالا تۇرعىنى ستانيسلاۆ.

سوڭعى جاڭالىقتار

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

قىرىققاباتتان تارىقپايدى

ەكونوميكا • بۇگىن، 07:10

ەلشىمەن كەزدەستى

قازاقستان • بۇگىن، 07:00

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار