ەلباسى • 13 تامىز، 2020

ەلباسى: قازاقپارات اگەنتتىگىنىڭ كاسىبي قىزمەتى بۇگىنگى الماعايىپ كەزەڭدە دە ايرىقشا ماڭىزدى

285 رەت كورسەتىلدى

ەلباسى نۇرسۇلتان نازارباەۆ "قازاقپارات" حالىقارالىق اقپارات اگەنتتىگىن 100 جىلدىق مەرەيتويىمەن قۇتتىقتادى. بۇل تۋرالى قازاقپارات-قا سىلتەمە جاساي وتىرىپ Egemen.kz حابارلايدى.

"قازاقپارات" حالىقارالىق اقپارات اگەنتتىگىنىڭ 100 جىلدىق مەرەيتويىمەن شىن جۇرەكتەن قۇتتىقتايمىن! اگەنتتىك ارقاشان تالانتتى ماماندار مەن وتاندىق مەديا سالاسىنىڭ كاسىپقوي قىزمەتكەرلەرىنىڭ ورداسى بولىپ كەلەدى. كوپشىلىگى مەنىڭ ەسىمدە جانە ولاردى ءوز جۇمىسىنا شىعارماشىلىق ءارى ساۋاتتى كوزقاراسپەن قاراعانى ءۇشىن قۇرمەتتەيمىن. جۋرناليستىك شەبەرلىكتىڭ يگى داستۇرلەرىن ساقتاي وتىرىپ، "قازاقپارات" ەگەمەندىك جىلدارى قازاقستانداعى جەتەكشى ءباسپاسوز قۇرالىنىڭ بىرىنە اينالا ءبىلدى"، دەلىنگەن ەلباسىنىڭ قۇتتىقتاۋىندا.

سونداي-اق، ەلباسى قازاقپارات اگەنتتىگى ەلدە جانە الەمدە بولىپ جاتقان وقيعالار تۋرالى شىنايى اقپاراتتى جەدەل تاراتۋ ارقىلى مەملەكەتىمىزدىڭ الەۋمەتتىك جانە قوعامدىق-ساياسي ءومىرىنىڭ دامۋىنا ەلەۋلى ۇلەس قوسىپ كەلە جاتقانىن جەتكىزدى. 

"قازاقپارات" ءوزىنىڭ 100 جىلدىق مەرەيتويىن حالىقارالىق دەڭگەيدەگى رەسۋرستاردىڭ ءبىرى رەتىندە اتاپ وتۋدە. بۇل – ءوز ىسىنە قۇشتار ۇلكەن كاسىپقوي ۇجىمنىڭ ۇيلەسىمدى جۇمىسىنىڭ ناتيجەسى. اگەنتتىكتىڭ كاسىبي قىزمەتى بۇگىنگى الماعايىپ كەزەڭدە دە ايرىقشا ماڭىزدى. "قازاقپاراتتىڭ" بارشا ۇجىمىنا مىقتى دەنساۋلىق، شىعارماشىلىق شابىت، باق-بەرەكە جانە تاۋەلسىز قازاقستاننىڭ يگىلىگى جولىنداعى قىزمەتىنە تابىس تىلەيمىن!"، دەدى نۇرسۇلتان نازارباەۆ.

 

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار