«Boeing-747» ۇشاعىمەن اۆستراليادان قازاقستانعا جەتكىزىلۋى ءتيىس بولعان اسىل تۇقىمدى ءىرى قارا مالدىڭ ىشىنەن 48 باس سيىر ۇشاقتا ءولىپ قالدى. بۇل تۋرالى Tengrinews.kz حابارلادى.
دەرەككوزدىڭ حابارلاۋىنشا, ۆەتەرينارلار سيىرلاردىڭ ءولىپ قالعانىن ۇشاق قونعان كەزدە عانا بايقاعان.
«باسىندا مۇنى الدەبىر ۆيرۋستىڭ تارالۋىنان دەپ ويلادىق. الايدا, اۋىل شارۋاشىلىعى مينيسترلىگى ۆەتەرينارلىق قىزمەتىنىڭ شەشىمى بويىنشا, مالدىڭ قىرىلۋىنا ۇشاقتاعى اۋا تەمپەراتۋراسىنىڭ سايكەسسىزدىگى سەبەپ بولعان. قازىر قاجەتتى شارالار قابىلداندى, شىعىندى قازاقستاندىق تاراپ ەمەس, تاسىمالداۋشى كومپانيا وتەيتىن بولدى», – دەپ مالىمدەدى «قازاگرو» اق وكىلى.
سونىمەن قاتار, سيىرلارعا جول بويى سۋ مەن جەم-ءشوپ بەرىلمەگەنى انىقتالدى.
الماتى مەملەكەتتىك ۆەتەرينارلىق ينسپەكتورىنىڭ ورىنباسارى سەيىتحان تەلتاەۆ ۇشاققا 321 باس ءىرى قارا تيەلگەنىن, ەندى وسىلاردىڭ لابوراتوريالىق تەكسەرۋدەن وتكىزىلەتىنىن مالىمدەدى.
ايدار ورىسباەۆ.
