سپورت • 13 تامىز، 2020

ۆەلوسپورتتان بيىلعى الەم بىرىنشىلىگى شۆەيتساريادا وتپەيتىن بولدى

9 رەت كورسەتىلدى

شوسسەدەگى ۆەلوسپورت بويىنشا 2020 جىلعى الەم چەمپيوناتى شۆەيتساريادا وتپەيتىن بولدى. بۇل تۋرالى الەم بىرىنشىلىگىنىڭ ۇيىمداستىرۋ كوميتەتىنىڭ ءباسپاسوز قىزمەتى مالىمدەدى،- دەپ حابارلايدى Egemen.kz.

بيىلعى الەم چەمپيوناتى شۆەيتساريانىڭ ەيگل-مارتيني اۋماعىندا 20-27 قىركۇيەك كۇندەرى ءوتۋى ءتيىس ەدى. شۆەيتساريا ۇكىمەتى كوروناۆيرۋس پاندەمياسىنىڭ ورشۋىنە بايلانىستى 2020 جىلدىڭ 30 قىركۇيەگىنە دەيىن 1000 ادامعا دەين قاتىساتىن دودالاردى ەلگە وتكىزۋگە تىيىم سالعان. وسىعان وراي، جىلدىڭ ماڭىزدى دوداسى شۆەيتساريادا وتكىزىلمەيتىن بولدى.

ۇيىمداستىرۋشىلاردىڭ حابارلاۋىنشا، الەم بىرىنشىلىگىنە 90 ەلدەن 1200 ۆەلوشاباندوز قاتىسادى دەپ جوسپارلانعان. حالىقارالىق ۆەلوسيپەدشىلەر وداعى (UCI) 2020 جىلعى الەم بىرىنشىلىگىن قابىلدايتىن ەلدى جاقىن ارادا حابارلايتىنىن ايتتى. سونداي-اق جارىستى وتكىزۋ قۇقىعى ەۋروپا ەلدەرىنىڭ بىرىنە بەرىلەدى. 

سوڭعى جاڭالىقتار

ۇقساس جاڭالىقتار