ايماقتار • 12 تامىز، 2020

اتىراۋدا اۋرۋحانالار وتتەگى تسەحىمەن قامتىلادى

147 رەت كورسەتىلدى

قازىر وبلىستىق اۋرۋحانادا وتتەگى تسەحى سالىنىپ جاتىر. ونى  قىركۇيەكتىڭ سوڭىندا پايدالانۋعا بەرۋ كوزدەلىپ وتىر، - دەپ حابارلايدى Egemen.kz.

"بۇعان دەيىن  اۋرۋحانادا دەربەس وتتەگى تاسىمالىن جۇزەگە اسىراتىن 60 نۇكتە بولعان ەدى. بىراق، ەپيدەميولوگيالىق احۋال ۋشىققان كەزدە  بۇل ازدىق ەتتى. ال، سالىنىپ جاتقان  تسەح وتتەگى جەلىسىن 300 نۇكتەگە دەيىن كوبەيتەدى. ونىڭ 260 نۇكتەسى اۋرۋحانانىڭ جاڭا عيماراتىنا تارتىلدى. دەربەس تسەح وزدىگىنەن وتتەگى وندىرەدى. قازىر  اۋرۋحانانىڭ پروۆيزورلىق ستاتسيونارىندا وتتەگى باللوندارى تاسىمالدانىپ جاتقان جوق. ويتكەنى، كوروناۆيرۋس ينفەكتسياسىمەن ەمدەلىپ جاتقان ناۋقاستار سانى ازايدى"، - دەيدى وبلىستىق اۋرۋحانانىڭ باس  دارىگەرى ەربول يمانعاليەۆ.

وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆتىڭ ايتۋىنا قاراعاندا، وبلىستىق كارديولوگيالىق ورتالىعى مەن  №2 وبلىستىق اۋرۋحانادا دا وتتەگى تسەحىن جاساقتاۋ جوسپارلانىپتى.   ​

"​بۇدان بۇرىن ماحامبەت اۋدانىنداعى 100 كەرۋەتتىك ينفەكتسيالىق ستاتسيوناردا 12 وتتەگى نۇكتەسى تارتىلعان بولاتىن. الداعى ۋاقىتتا ونىڭ سانىن كوبەيتۋدى جوسپارلاپ وتىرمىز. سونىمەن قاتار، قۇرمانعازى اۋدانىندا جاڭادان سالىنىپ جاتقان اۋرۋحاناعا دا وتتەگى جەلىسىنىڭ نۇكتەسى تولىقتاي تارتىلادى. ودان كەيىن قىزىلقوعا، ماقات، باسقا دا اۋداندارعا وتتەگى جەلىلەرىن تارتۋدى جوسپارلاۋدامىز"، - دەيدى نۇرلىبەك قابدىقاپاروۆ. ​

سوڭعى جاڭالىقتار

ۇقساس جاڭالىقتار