امەريكالىق Forbes جۋرنالى جىل سايىن ەڭ جوعارى تابىس تاباتىن اكتەرلەردىڭ رەيتينگىن جاريالاپ تۇرادى. قازىردىڭ وزىندە ونىڭ ون مۇشەسى 545,5 ميلليون دوللار جيناعان. اتاپ ايتقاندا, ستريمينگتىك قىزمەتتەردىڭ ءوسىپ كەلە جاتقان ايتىلدى جانە اكتەرلەرگە Netflix-تەن جالپى كىرىستىڭ تورتتەن ءبىر بولىگىن تولەيتىنى بەلگىلى بولدى.
"ەكىنشى جىل قاتارىنان توپ باسىندا جۇرگەن دۋەين دجونسون 87,5 ميلليون دوللار تابىس تابادى. ول Netflix-تەن جارىققا شىعاتىن "كراسنوە ۋۆەدوملەنيە" فيلمىندەگى ءرولى ءۇشىن 23,5 ميلليون دوللار الدى جانە Under Armour شىعارعان Project Rock تاۋارلار جەلىسىنىڭ جارناماسىنان ءبىرشاما پايدا تاپتى", دەپ جازادى باسىلىم.
ەكىنشى ورىندا 71,5 ميلليون دوللار كولەمىندە تابىس جيناعان رايان رەينولدستىڭ ەسىمى اتالدى. ول سونداي-اق "كراسنوە ۋۆەدوملەنيە"-دە وينادى. بۇدان بولەك, اكتەرگە Netflix-ءتىڭ تاعى ءبىر "پريزراچنايا شەستەركا" كينو كارتيناسى 20 ميلليون دوللار تابىس اكەلگەن.
ءۇشىنشى ورىندى 58 ميلليون دوللار كىرىسى بار مارك ۋولبەرگ الدى. ونىڭ قاتىسۋىمەن "پراۆوسۋديە سپەنسەرا" ءفيلمى Netflix شىعارعان كارتينالار اراسىندا ءۇشىنشى رەت ءتۇسىرىلىپ وتىر.
ءتىزىم نەگىزىنەن گولليۆۋد جۇلدىزدارىنان تۇرادى. وعان, مىسالى, بەن اففلەك ء(تورتىنشى ورىن, 55 ميلليون دوللار) جانە ۆين ديزەل (بەسىنشى ورىن, 54 ميلليون دوللار) كىردى. رەيتينگكە 48,5 ميلليون دوللار تاپقان ءۇندى اكتەرى اكشاي كۋمار دا بار. تىزىمدەگى جالعىز بولليۆۋد جۇلدىزى تابىسىنىڭ كوبىن جارنامادان تاپقان.
