جيىنعا قر سىرتقى ىستەر مينيسترلىگى, قر قارجى مينيسترلىگىنىڭ مەملەكەتتىك كىرىستەر كوميتەتى, قر اۋىل شارۋاشىلىعى مينيسترلىگى, قر ۇقك شەكارا قىزمەتى سياقتى مەملەكەتتىك ورگانداردىڭ, "قازاقستان تەمىر جولى" ۇق" اق باسقارما توراعاسى ساۋات مىڭباەۆ, بيزنەس قاۋىمداستىقتاردىڭ وكىلدەرى, سونداي-اق جۇك جونەلتۋشىلەر قاتىستى.
وتىرىس بارىسىندا قاتىسۋشىلاردىڭ ۇسىنىستارىنا سايكەس 4 نەگىزگى باعىت بويىنشا 20 ءىس-شارانى قاراستىراتىن جول كارتاسى قابىلداندى. اتاپ ايتقاندا, قحر-مەن ءوزارا ءىس-قيمىل, تاسىمالداۋ ءۇردىسىن وڭتايلاندىرۋ شارالارى, يكەمدى تاريف ساياساتىن ەنگىزۋ, مەملەكەتتىك قولداۋ شارالارى, سونداي-اق ينفراقۇرىلىمدىق شەكتەۋلەردى جويۋ قاراستىرىلعان.
جالپى كونتەينەرلىك تاسىمالدى دامىتۋعا, سۋسىما جانە اقتارىلما جۇكتەردى تاسىمالداۋ كەزىندە بيگبەكتەردى پايدالانۋعا ەرەكشە كوڭىل بولىنەدى.
جول كارتاسىن جانە وپەراتسيالىق قىزمەتتى جەتىلدىرۋ بويىنشا جوسپاردى قابىلداۋ قحر-عا ەكسپورتتىق تاسىمالداۋ بارىسىندا كەدەرگىلەردى جويۋعا جانە تەمىرجول كولىگىمەن جۇك تاسىمالى كولەمىن ۇلعايتۋعا مۇمكىندىك بەرەدى.
